ގެއްލިގެން ހޯދަމުންދިޔަ 15 އަހަރުގެ ފިރިހެން ކުއްޖާ ގެއަށް އައިސްފައިވާ ކަމަށާއި އެ ކުއްޖާގެ ހާލު ރަނގަޅު ކަަމަށް ފުލުހުން ވިދާޅުވެއްޖެއެވެ.
ފުލުހުން މިރޭ ވިދާޅުވިގޮތުގައި ގެއްލުގެން ހޯދަމުން ގޮސްފައި ވަނީ ކުޑަހުވަދޫ / ދާރުއްސަލާމް، އާދަމް ޒިޔާން މުޙައްމަދު 15 އަހަރު (މިހާރު ދިރިއުޅޭ އެޑްރެސް: ހުޅުމާލެ ފްލެޓް ނަންބަރު 128-4-01) އެވެ.
އޭނާ އާއިލާއަށް ޚަބަރެއްނުވެ ގެއްލިފައިވާ ކަމަށް މި މަހުގެ ދެ ވަނަ ދުވަހު ރިޕޯޓުކޮށްފައިވާތީ އޭނާ ހޯދުމުގެ މަސައްކަތް ފުލުހުން ފެށިއެވެ.
އޭނާ އެންމެ ފަހުން ފެނިފައި ވަނީ މި މަހުގެ އެއް ވަނަ ދުވަހުގެ 23:00 ހާއިރު، އެ ކުއްޖާ ދިރިއުޅޭ ގެއިން ކަމަށް އާއިލާއިން ފުލުހުންނަށް މައުލޫމާތުދީފައިވާ ކަމަށް ފުލުހުން ވިދާޅުވިއެވެ.
ފުލުހުން ފަހުން މިރޭ ވިދާޅުވީ،އޭނާ އަމިއްލައަށް ގެއަށް ގޮސްފައިވާ ކަމަަށް އާއިލާއިން ފުލުހުންނަށް މައުލޫމާތު ދީފައިވާ ކަމަށެވެ. އަދި ކުއްޖާގެ ހާލު ރަނގަޅު ކަމަށްވެސް ވިދާޅުވިއެވެ.
