ކުޅުދުއްފުށި ގެއެއްގެ ބަދިގޭގައި މިއަދު އަލިފާން ރޯވެ އަނދައި، ވަރަށް ބޮޑަށް ގެއްލުންވެއްޖެއެވެ.
އެމްއެންޑީއެފުން ބުނީ އެ ސިޓީގެ ގޮންބުލިމާގޭގެ ބަދިގޭގައި ރޯވިކަމުގެ މައުލޫމާތު ލިބުނީ ހެނދުނު 10:30 ހާއިރު ކަމަށެވެ. އެގޮތުން ކުޅުދުއްފުށީ ފަޔަ ސްޓޭޝަނަށް އަލިފާން ނިއްވާލެވިފައިވަނީ 10:40 ހާއިރު އެވެ.
ބަދިގޭގައި ރޯވި އަލިފާންގަނޑު ނިއްވާލެވުނުއިރު ބަދިގެއަށް ވަރަށް ބޮޑަށް ގެއްލުންވެފައިވެ އެވެ. ނަމަވެސް މި ހާދިސާގައި އެއްވެސް މީހަކަށް ގެއްލުމެއް ނުވެ އެވެ.
ބަދިގޭގައި ރޯވާން ދިމާވި ސީދާ ސަބަބެއް އަދި ސާފުނުވާ ކަމަށް އެމްއެންޑީއެފުން ބުންޏެވެ.
