ރަމަޟާން މަހުގައި ކެއިންބުއިމުގެ ޚިދުމަތް ފޯރުކޮށްދޭ ތަންތަން ހުޅުވާފައި ބެހެއްޓޭނެ ވަގުތުތައް މިނިސްޓްރީ އޮފް އިކޮނޮމިކް ޑިވެލޮޕްމެންޓުން މިއަދު އިއުލާނުކޮށްފިއެވެ.
އެވުޒާރާއިން ބުނެފައިވަނީ ރަމަޟާން މަހުގައި ކެއިންބުއިމުގެ ޚިދުމަތް ދޭ ތަންތަން ހުޅުވާފައި ބެހެއްޓޭނީ ހަވީރު 5:30 އިން ފެށިގެން މެންދަމު 3:00 އާ ހަމައަށް ކަމަށެވެ.
ޝައްވާލު މަހުގެ ފުރަތަމަ 7 ދުވަހު ކެއިންބުއިމުގެ ޚިދުމަތްދޭ ތަންތަން ހުޅުވާފައި ބެހެއްޓޭ ވަގުތަކީ ފަތިހު 4:30 އިން ފެށިގެން މެންދަމު 3:00 އާ ދެމެދުކަމަށްވެސް އެވުޒާރާއިން ބުނެފައިވެއެވެ.
އާންމުން ދިރިއުޅޭ ހުރިހާ ރަށްތަކެއްގައިވެސް ކެއިންބުއިމުގެ ޚިދުމަތްދޭ ތަންތަން ހުޅުވައި ބަންދުކުރުމުގައި އެ އިއުލާނުގައި ބަޔާންކޮށްފައިވާ އުސޫލަށް އަމަލުކުރުމަށް އެ މިނިސްޓްރީން އިލްތިމާސްކޮށްފައިވެއެވެ.
