ފަނޑުވުމެއް ނެތި ހަނިމާދޫ ތައުލީމީ ވޮށް ދެމެހެއްޓުމުގައި 54 އަހަރު މި ފުރުނީއެވެ. އާދެ 19 މޭ 1969 އެއީ މި އަލިގަދަ ތައުލީމީ ވޮށް ދިއްލި އޭގެ އަލިކަމުގެ ދަށަށް ހަނިމާދޫގެ ކިޔަވާ ދަރިވަރުންނާއި ރަށުގެ ދިރިއުޅޭ އެންމެހާއި ރައްޔިތުން ޖަމާކޮށްލި ދުވަސް މެއެވެ.
މި ތައުލީމި ވޮށް އޭގެ ހަށި ފޮޅައިލާ އޭގެ އަލިކަން އިތުރަށް ގަދަކޮށްލީ 2003 ވަނަ އަހަރުއެވެ. މިއީ ބައެއް މީހުންގެ އާޑަ ކިޔުމަށް ބެލުމެއްނެތި މުދައްރިސުންނާއި ދަރިވަރުން އަދި ލޮބުވެތި ބެވެލެނިވެރިންވީ އަގުބޮޑު ޤުރުބާނީގެ ނަތީޖާއެކެވެ. ޤުރުބާނީއޭ ބުނުން ހަމަ ހައްގެވެ. 3 އަހަރު އެއް އުއްމީދެއްގައި އެއް އަޒުމެއްގައި ހިއްވަރާއިއެކު ޤުރުބާންވީމައެވެ.
މި ޤުރުބާނީގެ ފޮނި ނަތީޖާއަކީ ވޮށުގެ އަލީގައި ތިބެގެން ސާނަވީ ތައުލީމު ހާސިލް ކުރަން ރަށާއި ރަށުގައި ދިރުއުޅޭ އެންމެ ތަކުނަން ފުރުސަތު ފަހިވެހެން ދިއުމެވެ. އެއާއިއެކު 2005 ވަނަ އަހަރު ފެށިގެން އޯލެވެލް އަދި އެސްއެސްސީ އިމްތިހާން ދަރިވަރުން ދިޔައީ މިވޮށުގެ އަލީގައި ތިބެގެން ފުރިހަމަ ކުރަމުންނެވެ.
ހަމަ މިބީދައިން 2014 އިން 2017 މަތީ ސާނަވީ އަށް ވެސް ވޮށުގެ އަލިކަން ފޯރިއެވެ. ނަމަވެސް އެތަށް ސަބަބު ތަކާހެދި ވޮށުގެ އަލިކަން މި ވަގުތަށް ވަނީ ފަނޑު ވެފައެވެ.
އާދެ 54 އަހަރު ވޮށް ދިއްލިފައި ހުރީ އެތައް ބައެއްގެ ޤުރުބާނީންނެވެ. އެންމެ މަތީ ވެރިން ފެށިގެން ގޮސް މަސައްކަތު މުވައްޒިފާއި ހަމައިންނެވެ. ދޭސީ އަދި ބިދޭސީ މުދައްރިބުންގެ ޤުރުބާނީ އެވެ.
މި ރިޕޯޓު ނިންމާލުމުގެ ކުރިން ހަނިމާދޫގައި މިތައުލީމީ ވޮށް ދިލުމުގައި އިސްދައުރު އަދާކުރި އެންދެރިގޭ އަންވަރު، ތަމްކީނުގެ ކަރީމްބެ، އެދުރުބޭ، ދޮން ޙުސައިން ބަކުރު، ހިތިގަސްދޮށުގޭ ޢަބްދުލްރަޙްމާން ނަން ހިމަނައި ލާނަމެވެ. އެއީ މި ބޭފުޅުންގެ ނަން ހިމަނައި ނުލާ ނިންމާލުމަކީ އެބޭފުޅުންގެ އަގުބޮޑު ޤުރުބާނީ ބަލައި ނުގަތުން ކަމުގައި އަހުރެންގެ ޒަމީރު ގަބޫލު ކުރާތީއެވެ.
