އިސްލާމްދީނަށް ފުރައްސާރަ ކުރުމަކީ އިންސާނީ ޙައްޤެއް ނޫން : ޝެއިޚް އަލީ ޒާހިރު

ޚަބަރު ފަހުގެ ދީން

އިސްލާމްދީނަށް ފުރައްސާރަ ކުރުމަކީ އިންސާނީ ޙަައްޤެއް ނޫން ކަމަށާއި އެއީ މިނިވަން ކަމެއް ވެސް ނޫން ކަމަށް މަޝްހޫރު ދީނީ ޢިލްމުވެރިޔާ ޝެއިޚް އަލީ ޒާހިރު ބިން ސައީދު ވިދާޅުވެއްޖެއެވެ.

ޝެއިޚް ރޭ ކުރެއްވި ޓްވީޓެއްގައި ވިދާޅުވެފައިވަނީ، އިސްލާމްދީނަށް ފުރައްސާރަ ކުރުމާއި ދީނުގައި ކަނޑައަޅުއްވާފައިވާ ޙުކުމްފުޅު ތަކަށް އިންކާރުކޮށް އެކަންކަމާމެދު ހިތަށްއެރިހާ ވާހަކައެއް ދެއްކުމަކީ އިސްލާމީ ޝަރީޢަތާއި ޤާނޫނީ ހަމަތަކުން ބަލާއިރު ވަރަށްބޮޑު ކުށެއް ކަމަށާއި އެއީ އިންސާނީ ޙައްޤެއް ނޫން ކަމުގައެވެ. އަދި މިނިވަން ކަމެއްވެސް ނޫން ކަމުގައި ޝެއިޚް ވިދާޅުވެފައިވެއެވެ.

އިޝްތިހާރު ޖެއްސެވުމަށް ގުޅުއްވާ

ޝެއިޚް އަލީ ޒާހިރު މިފަދައިން ވިދާޅުވެފައިމިވަނީ މީގެ ދުވަސްކޮޅެއް ކުރިން “އުތެމަ” އޭ ކިޔުނު އަމިއްލަ ޖަމިއްޔާއަކުން އިސްލާމްދީނަށާއި ރަސޫލާ (ޞޢޥ) އަށް ފުރައްސާރަކޮށް ލާދީނީ ރިޕޯޓެއް ތައްޔާރުކޮށް ނެރެފައިވަނި ކޮށެވެ. މިދިޔަ އަހަރު މޯލްޑިވިއަން ޑިމޮކްރަޓިކް ނެޓްވޯކުން  (އެމްޑީއެން) ވެސް ވަނީ މިފަދަ ރިޕޯޓެއް ނެރެފައެވެ.

އިޝްތިހާރު
އިޝްތިހާރު

ޚިޔާލު ފާޅުކުރައްވާ