ހަނިމާދޫ އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ (ޑަބްލިއު.ޑީ.ސީ)ގެ ރައީސާއަކަށް ޢާއިޝަތު ޝިއުނީ އަދި ނައިބަކަށް ޖަޒުމިނާ މުހައްމަދު އައްޔަން ކޮށްފިއެވެ.
މިއަދު ހަނިމާދޫ ކައުންސިލުގައި ކުރިއަށްގެންދިޔަ ޑަބްލިއު.ޑީ.ސީ ގެ ފުރަތަމަ ޖަލްސާގައި އެ ކޮމެޓީގެ ރައީސާ ކަމަށް ކުރިމަތިލާން ހުށައެޅުމުން 3 ފަރާތެއް ކުރިމަތިލިއެވެ. އެ ތިން ފަރާތަކީ ފާޠިމަތު އަޙްމަދު، ޢާއިޝަތު ޝިއުނީ، އަދި ޢާއިޝަތު ޤާސިމްއެވެ.
ފާޠިމަތު އަޙްމަދު އަދި ޢާއިޝަތު ޤާސިމް ދެބޭފުޅުންނަށް 1 ވޯޓް ލިބުނުއިރު ޢާއިޝަތު ޝިއުނީއަށް ވަނީ 3 ވޯޓް ލިބިފައެވެ.
ރައީސާ ހޮވުމަށްފަހު ނައިބުކަމަށް ކުރިމަތިލާން ހުޅުވާލުމުން އެ މަގާމަށް ކުރިމަތިލީ ހަމައެކަނި ޖަޒުމިނާ މުހައްމަދު އެވެ. އޭނާ ނައިބަކަށް ހޮވުނީ ކޮމެޓީގެ ހުރިހާ މެންބަރުންގެ ރުހުމާއެކުއެވެ.
ޑަބްލިއު.ޑީ.ސީ.އަށް ހޮވިފައި ވަނީ އެމްޑީޕީގެ 4 މެންބަރުންނާއި އަމިއްލަގޮތުން ވާދަކޮށްފައިވާ ފާޠިމަތު އަޙްމަދު އެވެ.


