ރައީސް ނަޝީދު ބަނގުރާ ބުއިން ހުއްޓާލައިފި

ޚަބަރު ފަހުގެ ސިޔާސީ

ރައްޔިތުންގެ މަޖިލީހުގެ ރައީސް އަދި ކުރީގެ ރައީސް މުހައްމަދު ނަޝީދު ރާބުއިން ހުއްޓާލާފައިވާކަން ހާމަވެއްޖެއެވެ.

އެކަން ހާމަވެފައިވަނީ އެމިނިކުފާނު އަމިއްލަފުޅަށް އެމްޑީޕީގެ ގައުމީ މަޖިލީހުގެ ވަޓްސްއެޕް ގްރޫޕަށް ފޮނުވި މެސެޖުގައިވާ ލިޔުމުންނެވެ. އެ ލިޔުން ލެއްވިތާ އިރުކޮޅެއްފަހުން ރައީސް ނަޝީދު ވަނީ އެ ލިޔުން ގްރޫޕުން ނަންގަވާފައެވެ. އެހެންނަމަވެސް އެ ލިޔުން ސޯޝަލްމީޑިއާގައި އަންނަނީ ދައުރުވަމުންނެވެ.

އިޝްތިހާރު ޖެއްސެވުމަށް ގުޅުއްވާ

އެ ލިޔުން ރައީސް ނަޝިދު ގްރޫޕަށް ލައްވާފައިވަނީ އެމަނިކުފާނުގެ ނަފްސާނީ ހާލުކޮޅު ރަނގަޅު ނޫންކަމަށްބުނެ ވެބްސައިޓެއްގައި ލިޔެފައިވާ ލިޔުމަކަށް ރައްދުދެއްވުމުގެ ގޮތުންނެވެ.

ގްރޫޕަށް ލެއްވި މެސެޖް އަދި ފަހުން ޑްލީޓްކޮށްފައިވާ މެސެޖް

އެމަނިކުފާނުގެ ނަފުސާނީ ހާލަތު ވަޒަންކޮށް އިނގިރޭސިވިލާތުގެ ސައިކޮލޮޖިސްޓަކު ދެއްވި ލިޔުމުގައި ބުނެފައިވަނީ ހަމަލާގެ ފަހުން ބައެއްކަހަލަ ނަފްސާނީ މައްސަލަތައް ހުރެދާނެކަމަށް ބައެއް މީހުނަށް ގަބޫލުކުރެވުނު ނަމަވެސް ރައީސް ނަޝިދުގެ ނަފްސާނީ މައްސަލައެއް ނެތްކަމަށެވެ.

އަދި އަމިއްލައަށް ބަނގުރާ ބުއިން ހުއްޓާލާފައިވާތީ ނިދުމުގައިވެސް މައްސަލައެއް ނެތްކަމަށް ލިޔުމުގައި ބުނެފައިވެއެވެ.

މި ލިޔުން ގްރޫޕަށްލެއްވިތާ އިރުކޮޅެއްފަހުން ރައީސް ނަޝީދު މި ލިޔުން ގްރޫޕުން ނަންގަވާފައިވެއެވެ.

މޭ 6 ވަނަ ދުވަހު ރައީސް ނަޝީދަށް އަމާޒުކޮށްދިން ބޮމުގެ ހަމަލާއާ ގުޅިގެން އިތުރު ފަރުވާއަށް މިވަގުތު ރައިސް ނަޝީދު ވަޑައިގެންހުންނެވީ އިނގިރޭސިވިލާތުގައެވެ.

ސޯޝަލްމީޑިއާގައި ދައުރުވަމުން އަންނަލިޔުން
އިޝްތިހާރު
އިޝްތިހާރު

ޚިޔާލު ފާޅުކުރައްވާ