އެޗްއެސްބީސީން އެމްޑަބްލިއުއެސްސީއަށް ލޯނެއް ދޫކޮށްފި

ޚަބަރު ފަހުގެ

ތަރައްގީގެ މަޝްރޫއުތައް ހިންގުމަށް ހޮންގްކޮންގް ޝެންހާއީ ބޭންކިން ކޯޕަރޭޝަން ލިމިޓެޑް (އެޗްއެސްބީސީ މޯލްޑިވްސް) އިން ފެން ކުންފުންޏަށް ލޯނެއް ދޫކޮށްފި އެވެ.

އެޗްއެސްބީސީ އިން އެމްޑަބްލިއުއެސްސީ އަށް ފައިސާ ދޫކޮށްފައިވަނީ ޕްލޭނިން މިނިސްޓްރީން އެ ކުންފުންޏާ ހަވާލުކޮށްފައިވާ 20 ރަށެއްގެ ފެނާ ނަރުދަމާގެ މަސައްކަތް ކުރުމަށެވެ.

އިޝްތިހާރު ޖެއްސެވުމަށް ގުޅުއްވާ

އެޗްއެސްބީސީން ފެން ކުންފުންޏަށް، ކޮންސްޓްރަކްޝަން އަދި އިންޖީނިއަރިންގެ މަސައްކަތްތައް ކުރުމަށް ލޯން ފެސިލިޓީގެ ދަށުން ދޫކޮށްފައިވަނީ 154 މިލިއަން ރުފިޔާ އެވެ.

އެމްޑަބްލިއުއެސްސީން ބުނެފައިވަނީ މިއީ ރާއްޖޭގެ ހުރިހާ ރަށެއްގައި ފެނާ ނަރުދަމާ ގާއިމުކުރުމަށް ސަރުކާރުން ވެފައިވާ ވައުދުގެ ދަށުން ހިންގާ މަޝްރޫއުތަކެއް ކަމަށެވެ.

ރާއްޖޭގެ ހުރިހާ ރަށެއްގައި 2023 ވަނަ އަހަރު ނިމުމުގެ ކުރިން ފެނާއި ނަރުދަމާގެ ނިޒާމު ގާއިމްކުރުމަކީ މި ސަރުކާރުގެ ވައުދެކެވެ.

ފެނާއި ނަރުދަމާ ގާއިމުނުކުރެވި އޮތް 23 ރަށުގެ މަސައްކަތް މިދިޔަ މަހުގެ 29 ވަނަ ދުވަހު ސަރުކާރުން ވަނީ އެކި ކުންފުނިތަކާ ހަވާލުކޮށްފަ އެވެ.

އިޝްތިހާރު
އިޝްތިހާރު

ޚިޔާލު ފާޅުކުރައްވާ