އިސްލާމިކް މިނިސްޓްރީގެ ޕާމަނަންޓް ސެކްރެޓަރީގެ މަގާމަށް ކ. ކާށިދޫ، ގަހާ، އަހްމަދު އަދީލް އައްޔަންކުރައްވައިފި އެވެ.
އިސްލާމިކް މިނިސްޓްރީގައި މިއަދު އޮތް ރަސްމިއްޔާތެއްގައި އަހްމަދު އަދީލް މަގާމަށް އައްޔަންކުރައްވާ އޭނާ އަށް ލިޔުން ހަވާލުކުރެއްވީ ސިވިލް ސާވިސް ކޮމިޝަންގެ ރައީސް މުހައްމަދު ނާސިހް އެވެ. މި ރަސްމިއްޔާތުގައި އިސްލާމީކް މިނިސްޓަރު ޑރ. އަހްމަދު ޒާހިރު ވެސް ބައިވެރިވެވަޑައިގެންނެވި އެވެ.
އިސްލާމިކް މިނިސްޓްރީގެ ޕާމަނަންޓް ސެކްރެޓަރީގެ މަގާމަށް އައްޔަންކުރެއްވުމާ ހަމައަށް އަހްމަދު އަދީލް ހުންނެވީ ކ. ގުޅީ ސްކޫލުގެ ޕްރިންސިޕަލްގެ މަގާމުގަ އެވެ. ގައުމީ ޔުނިވަސިޓީ އަދި އެހެނިހެން ބައެއް ކޮލެޖްތަކުގައި ޕާޓު-ޓައިމް ލެކްޗަރާއެއްގެ އެއްގެ ގޮތުގައި ވެސް މަސައްކަތް ކުރައްވާފައިވާ އާދިލް ވަނީ އަދި 2021 ވަނަ އަހަރުން ފެށިގެން ސިވިލް ސާވިސް ޓްރެއިނިން އިންސްޓިޓިއުޓްގެ ބައެއް ޓްރެއިނިންތަކުގައި އެކްސްޓާނަލް ޓްރެއިނަރެއްގެ ގޮތުގައި ވެސް މަސައްކަތް ކުރައްވާފަ އެވެ.
