ވިލިމާލޭގައި ޢިމާރަތްކުރުމަށް ހަމަޖެހިފައިވާ މޯލްޑިވްސް އިސްލާމިކް ބޭންކް (އެމްއައިބީ) ގެ އޭޓީއެމްގެ ބިންގާ އަޅައިފިއެވެ.
މިއަދު ހެނދުނު ބޭއްވި ރަސްމިއްޔާތެއްގައި ޢިމާރާތުގެ ބިންގާ އަޅުއްވައިދެއްވީ މާލޭ ސިޓީ ކައުންސިލުގެ މޭޔަރު ޑރ.މުޙައްމަދު މުޢިއްޒާއި، އިސްލާމިކް ބޭންކުގެ ފަރާތުން އަރީފުއްރަޙްމާނެވެ.
ބިންގާ އެޅުމުގެ ރަސްމިއްޔާތުގައި މޭޔަރު ވިދާޅުވީ މާލޭ ސިޓީ ކައުންސިލުން މިކަމަށް ތަރުހީބު ދިން ސަބަބަކީ މާލޭގައި ދިރިއުޅޭ ރައްޔިތުންނެކޭ އެއްފަދައިން ވިލިމާލޭގައި ދިރިއުޅޭ ރައްޔިތުންނަށް ވެސް ބޭންކިންގ ނިޒާމުގެ ހުރިހާ ފުރުސަތުތަކެއް ފަސޭހައިން ލިބޭ ގޮތްވުން ކަމަށެވެ
“އުންމީދުކުރަނީ މި ތަން ވީހާވެސް އަވަހަކަށް ތައްޔާރުކުރެވި ގިނަވެގެން އަޅުގަނޑަށް މަޢުލޫމާތު ލިބިފަވާ ގޮތުގަ ގިނަވެގެން ހަތަރު މަސްދުވަހުތެރޭގަ އޭޓީއެމްގެ ޚިދުމަތް ލިބިގެންދާނެ. އެހެންވީމަ މިކަން ވެގެންދާނީ ހަމަ އަޅުގަނޑު އުންމީދުކުރަން ވިލިމާލޭ ރައްޔިތުންނަށް އިތުރު ހިތްހަމަޖެހުމާއި ފަސޭހަތައް ލިބިގެންދާނެކަމެއް ކަމަށް.” މޭޔަރު ވިދާޅުވިއެވެ.
އެމްއައިބީގެ އޭޓީއެމްތައް މާލޭގެ ހަތަރު ސަރަހައްދެއްގައި ގާއިމުކޮށްފައިވެއެވެ. އޭގެ އިތުރުން ހުޅުމާލޭގެ ސެންޓްރަލް މޯލްގައި ވެސް އެމްއައިބީގެ އޭޓީއެމްއެއް ވަނީ
