ސަރުކާރަށް އިތުބާރު ލިބޭނީ ހިޔާނާތްތައް ބަލައިގެން ކަމަށް ރައްޔިތުންގެ މަޖިލީހުގެ ރައީސް އަދި އެމްޑީޕީގެ ރައީސް މުހައްމަދު ނަޝީދު ވިދާޅުވެއްޖެއެވެ.
ސަރުކާރުން ހިޔާނާތްތައް ބެލުމަށް ގޮވާލާ މިއަދު ކުރެއްވި ޓުވީޓެއްގައި ރައީސް ނަޝީދު ވިދާޅުވީ ސަރުކާރަށް އިތުބާރު ލިބޭނީ ވެންޓިލޭޓަރ މައްސަލައާއި އެމްއެމްޕީއާރްސީގެ ހިޔާނާތް ފަދަ މައްސަލަތައް ބަލައިގެން ކަމަށާއި އެމްޑީޕީ އާއި އަދި އެމަނިކުފާނު ވެސް އެދެނީ ސަރުކާރުން ހިޔާނާތްތެރި ނުވުމަށް ކަމަށެވެ.
ރައީސް ނަޝީދު ސަރުކާރަށް ފާޑު ވިދާޅުވެފައިވާއިރު ދާދި ފަހުން އެމަނިކުފާނު ވަނީ ފާޅުގައި ސަރުކާރާއި ދެކޮޅަށް ނުކުންނަވާފައެވެ. އަދި މިއީ ފެތެމުންދާ ސަރުކާރެއް ކަމަށާއި އެމްޑީޕީއަށް ރަނގަޅު ގޮތަކީ ސަރުކާރުން ނުކުތުން ކަމަށް އެމަނިކުފާނު ވިދާޅުވިއެވެ.
