ސަފާރީގައި ކަފުޖަހާފައި އޮއްވައި ރޭ ގެއްލުނު ދޯނި އިއަދު ފެނިފައިވާ ކަމަށް އެމްއެންޑީއެފުން ބުނެފި އެވެ.
އެމްއެންޑީއެފުން ބުނީ ގެއްލިގެން ހޯދަމުންދިޔަ “މާކޯނި” ދޯނި، ހޯދުމުގެ މަސައްކަތް ކުރަމުން ދަނިކޮށް، ޅ.އޮޅުވެލިފުށިން 1 ނޯޓިކަލް މޭލު ބޭރުން މިއަދު 09:00 ހާއިރު އެމްއެންޑީއެފް ނޮދަން އޭރިއާ ކޯސްޓްގާޑު ސްކޮޑްރަންއަށް އެ ދޯނި ފެނިއްޖެ ކަމަށެވެ.
އެ ދޯނި ހޯދަން ފެށީ ނ. ސޮނެވާ ޖާނީއަށް ދަތުރުކުރި ސަފާރީއެއްގެ ކަފުގައި އޮއްވައި ކަނޑައިގެންގޮސް ގެއްލުމާ ގުޅިގެންނެވެ. ތޭވީސް ފޫޓްގެ “މާކޯނި” އަކީ ފަރުމަސްވެރިމަށް ބޭނުންކުރާ އެއްޗެކެވެ.


