ފެނާއި ކަރަންޓް ބިލަށް ކުއްޔަށްއުޅޭ ފަރާތް ޒިންމާ ކުރެވޭގޮތް ހަދައިފި

ޚަބަރު ފަހުގެ

ފެނާއި ކަރަންޓަށް ހިނގާ ފައިސާ ގޭގެ ވެރި ފަރާތަށް ބިލު ކުރުމުގެ ބަދަލުގައި ކުއްޔަށް އުޅޭ ފަރާތުގެ ނަމަށް ބިލު ކުރެވޭ ގޮތަށް ޔުޓިލިޓީ ރެގިއުލޭޓަރީ އޮތޯރިޓީގެ ޤާނޫނަށް އިސްލާހު ގެންނަން 57 މެންބަރުންގެ އިއްތިފާޤުން މަޖިލީހުން ފާސްކޮށްފިއެވެ.

ގޭގޭގައި ކުއްޔަށް އުޅޭ ފަރާތްތަކުން ކަރަންޓާއި ފެން ބިލު ނުދެއްކުމުން ގޭގެ ވެރިފަރާތުން އެކަމަށް ޒިންމާވާން ޖެހުމަކީ ގިނަ ބަޔަކު ފާޅު ކުރަމުން އަންނަ ކަންބޮޑުވުމެކެވެ. އަދި މިކަމުގެ ސަބަބުން އެތައް ލޭންލޯޑުންނަށް ނުވަތަ ގޭގޭގެ ވެރި ފަރާތްތަކަށް ތަކުލީފްތައްޖެހެއެވެ.

އިޝްތިހާރު ޖެއްސެވުމަށް ގުޅުއްވާ

މިކަމަށް ހައްލެއް ގެނައުމަށްޓަކައި ސަރުކާރުގެ ފަރާތުން ކެލާ ދާއިރާގެ މެންބަރު އިބްރާހީމް ޝަރީފް ވަނީ ޔުޓިލިޓީ ރެގިއުލޭޓަރީ އޮތޯރިޓީގެ ޤާނޫނަށް އިސްލާހު ހުށަހަޅާފައެވެ.

މިއިޞްލާހުގައިވާ ގޮތުން ފެނާއި ކަރަންޓުފަދަ އާންމު ބޭނުންތަކުގެ ހިދުމަތްތަކުގެ ތެރެއިން މީޓަރު މެދުވެރިކޮށް ދޭ ހިދުމަތްތަކުގައި އެ ޚިދުމަތް ބޭނުންކުރާ ފަރާތެއްގެ ނަމުގައި ރަޖިސްޓްރީ ކުރެވޭނެއެވެ. އަދި އެކަން ކުރުމަށް މި ގާނޫނުގެ ދަށުން އުސޫލުތަކެއް ހަދަންޖެހެއެވެ.

މަޖިލީހުގެ ގިނަ މެމްބަރުން ފާހަގަކުރެއްވި ގޮތުގައި މިއީ ގާނޫނަށް ކޮންމެހެން ގެންނަންޖެހޭ އިސްލާހެކެވެ. އަދި ހިދުމަތް ހޯދާ ފަރާތުގެ ނަމުގައި މީޓަރުތައް ހުރުމުން ސަބްސިޑީއަށް އެދުމުގެ ފުރުސަތުވެސް ލިބޭނެކަން މެމްބަރުން ފާހަގަކުރެއްވިއެވެ

އިޝްތިހާރު
އިޝްތިހާރު

ޚިޔާލު ފާޅުކުރައްވާ