ވަގު ޑޮލަރުތަކެއް ބޭނުންކޮށްގެން މަކަރާއި ހީލަތުން މޯބައިލް ފޯނެއް ގަންނަން އުޅުނު ޒުވާނަކު ހައްޔަރުކޮށްފި އެވެ.
ފުލުހުން މިއަދު ބުނީ، އެ މައްސަލައާ ގުޅިގެން ރޭގެ ވަގުތެއްގައި މާލެއިން ހައްޔަރުކުރީ 21 އަހަރުގެ ދިވެހި ފިރިހެނެއް ކަމަށެވެ.
އަދި އޭނާގެ ބަންދަށް 15 ދުވަހުގެ މުއްދަތެއް މިއަދު ޖަހާފައިވާ ކަމަށް ބުންޏެވެ.
ފުލުހުން ދަނީ މި މައްސަލަ ތަހުގީގު ކުރަމުންނެވެ.
