މ. ކޮޅުފުށީ ގޮނޑުދޮށް ހިމާޔަތް ކުރުމުގެ މަޝްރޫއުގެ މަސައްކަތަށް ބޭނުންވާ ބޮޑުހިލައިގެ ދެވަނަ ޝިޕްމަންޓް ޕްރޮޖެކްޓް ސައިޓަށް ގެންގޮސްފިއެވެ.
މި މަޝްރޫއުގައި ހިމެނޭ ފަތާ ސަރަހައްދު ފުންކުރުމުގެ މަސައްކަތް ނިމިފައިވާއިރު ރިވެޓްމެންޓް ޕްރޮފައިލިންގ ގެ މަސައްކަތްތަށް މިހަފްތާ ތެރޭގައި ފެށުމަށް ވަނީ ހަމަޖެހިފައެވެ.
މި މަޝްރޫއުގެ ދަށުން 9683 ކިއުބިކް މީޓަރުގެ ސަރަހައްދެއްގެ ބަނދަރު ފުންކުރުމާއި 202 މީޓަރުގެ ސަރަހައްދެއްގައި ބޭރުތޮށި ލުމާއި 519 މީޓަރުގެ ސަރަހައްދެއްގައި ރިވެޓްމެންޓް ޖެހުމަށް ވަނީ ހަމަޖެހިފައެވެ،
މި މަޝްރޫއަކީ 22.9 މިލިއަން ރުފިޔާގެ މަޝްރޫއެކެވެ.
