ހދ. ނޮޅިވަރަމުގައި މަރާލާފައި އޮތް ކަމަށް ޝައްކުކުރެވޭ އެރަށު ނިޝާމާ މުހައްމަދު ގެ ހަށިގަނޑު މާލެ ގެނެސްފި އެވެ.
ނިޝާމާ މަރުވެފައި އޮތްވާ ފެނުނީ އޭނާ ދިރިއުޅެމުންދިޔަ ގޭގެ ކޮޓަރީ ތެރޭގައި އޮތްވަ އެވެ. އޭނާ މަރުވެފައި އޮތްވާ ފެނުނީ، އޭނާގެ ހަބަރެއް ނުވެގެން ކޮޓަރިއަށް އާއިލާ މެމްބަރުން ވަދެ ބެލުމުންނެވެ.
ފުލުހުން ވިދާޅުވީ، ނިޝާމާގެ ހަށިގަނޑު މާލެ ގެނެސްފައިވާކަމަށެވެ. އަދި ޕޯސްޓްމޯޓަމް ހެދުމަށް ފޮނުވުމަށް ކުރަންޖެހޭ މަސައްކަތް ކުރަމުން އަންނަކަމަށް ފުލުހުން ވިދާޅުވިއެވެ. ނިޝަމާގެ މަރުގެ މައްސަލާގައި ތުހުމަތުކުރަނީ އޭނާގެ ފިރިމީހާ އަބޫބަކުރު ފައިސަލް ޢަލީ އަށެވެ.
ނިޝާމާ މަރުވެފައި އޮތްވާ ފެނުނީ، މިމަހުގެ 10 ވަނަ ދުވަހުގެ މެންދުރުގެ ވަގުތުގަ އެވެ. މި ކަމާއި ގުޅިގެން ނިޝާމާގެ ފިރިމީހާ، އދ. ފެންފުށީ، ރޯސްވިލާ، އަބޫބަކުރު ފައިސަލް (އ32) ކޯޓު އަމުރެއްގެ ދަށުން ފުލުހުން ހައްޔަރު ކޮށްފައި ވާއިރު، ކޯޓުން ވަނީ އޭނާ 15 ދުވަހަށް ބަންދު ކުރުމަށް އަމުރު ކޮށްފަ އެވެ.
ހދ. ނޮޅިވަރަމްގައި މަރުވެފައި އޮތްވާ ފެނުނު އުމުރުން 28 އަހަރުގެ ނިޝާމާ މުހައްމަދުގެ މަރުގެ މައްސަލަ ފުލުހުން ގެންދަނީ ތަހުގީގު ކުރަމުންނެވެ.
