ހދ. ނޮޅިވަރަމުގައި މަރުވެފައި އޮއްވާ ފެނުނު ނިޝާމާ މުހައްމަދުގެ މަރުގެ ތުހުމަތުގައި ހައްޔަރުގައި ހުރި އޭނާގެ ފިރިމީހާ އދ. ފެންފުށީ/ އަބޫބަކުރު ފައިސަލް އަމިއްލައަށް މަރުވާން މަސައްކަތް ކޮށްފި އެވެ.
ފުލުހުން ވިދާޅުވީ ނިޝާމާގެ މަރުގެ މައްސަލައާ ގުޅިގެން ހައްޔަރުކޮށްފައިވާ ފައިސަލް، ބަންދުކޮށްފައި ހުރި ތަނުގައި އަމިއްލައަށް މަރުވާން މަސައްކަތް ކުރަނިކޮށް ރޭ 23:15 އެހާކަންހާއިރު ފުލުހުންނަށް ފެނިގެން ކުޅުދުއްފުށީ ރީޖަނަލް ހޮސްޕިޓަލަށް ގެންގޮސްފައިވާ ކަމަށެވެ.
ފައިސަލް މިވަގުތު ފަރުވާ ހޯދަމުން ދަނީ އައިސީޔޫގައި ކަމަށާއި މިކަމާ ގުޅިގެން ބަލަންޖެހޭ ކަންތައްތައް އެޗްއާރްސީއެމް އާއި އެންއައިސީ އަށް ހުށަހަޅައިގެން ބަލަމުންދާ ކަމަށް ފުލުހުން ވިދާޅުވިއެވެ.
