ސްޕެއިންއަށް ފައްސޭހަ މޮޅެއް، ގްރޫޕް 4ގެ އެއްވަނައިގަ ދަމަހައްޓައިފި

ކުޅިވަރު ފަހުގެ

ޔުއެފާ ނޭޝަންސް ލީގުގައި އާދީއްތަ ދުވަހުގެރޭ ކުޅުނު މެޗުން ޔޫކްރޭން އަތުން ފަސޭހަކަމާއެކު ސްޕެއިން މޮޅުވެއްޖެއެވެ.

ލީގު އޭ ގްރޫޕް ހަތަރެއްގައި ހިމެނޭ ޔޫކްރޭން އަތުން ސްޕެއިން މޮޅުވީ 4-0 ގެ ނަތީޖާއަކުންނެވެ.

އިޝްތިހާރު ޖެއްސެވުމަށް ގުޅުއްވާ

އާދީއްތަ ދުވަހުގެރޭ ސްޕެއިންގައި ކުޅުނު މި މެޗުގެ ވަރަށް ކުރީކޮޅު ކެޕްޓަން ސާޖިއޯ ރާމޯސް ކާމިޔާބުކުރި ޕެނަލްޓީން އެޓީމުން ވަނީ ލީޑު ނަގާފައެވެ. މި ޕެނަލްޓީއަކީ ސްޕެއިންގެ ޒުވާން ފޯވާޑް އަންސޫ ފަޓީއަށް ކުރި ފައުލަކަށް ރެފުރީ ދިން ޕެނަލްޓީއެކެވެ. އަދި މެޗުގެ 29 ވަނަ މިނެޓުގައި ޑެނިއެލް އޮލްމޯ ހުރަސްކޮށްދިން ބޯޅައަކުން ސްޕެއިނަށް ލީޑު ފުޅާކޮށްދިނީ ފުރަތަމަ ލަނޑުވެސް ކާމިޔާބުކުރި ރާމޯސްއެވެ.

ސްޕެއިންގެ ތިންވަނަ ލަނޑު މެޗުގެ 32 ވަނަ މިނެޓުގައި ކާމިޔާބުކޮށްދިނީ އުންމީދީ ތަރި ފަޓީއެވެ. މިއީ އުމުރުން 17 އަހަރުގެ ފަޓީ ސްޕެއިނަށް ކާމިޔާބުކޮށްދިން ފުރަތަމަ ލަނޑެވެ. އަދި މި ލަނޑާއެކު ފަޓީ ވަނީ ސްޕެއިނަށް ލަނޑު ޖަހައިދިން އެންމެ ހަގު ކުޅުންތެރިޔާގެ ރިކޯޑު ހަދާފައެވެ.

މެޗުގެ ދެވަނަ ހާފުގައި ސްޕެއިންގެ ފަރާތުން ފެނިގެންދިޔައީ އާދައިގެ ކުޅުމެކެވެ. އެކަމަކު މެޗު ނިމެން ހަ މިނެޓަށް ވެފައިވަނިކޮށް ސްޕެއިނުން ވަނީ އެޓީމުގެ ހަތަރުވަނަ ލަނޑު ކާމިޔާބުކޮށްފައެވެ. މި ލަނޑު އެޓީމަށް ކާމިޔާބުކޮށްދިނީ ބަދަލު ކުޅުންތެރިއެއްގެ ގޮތުގައި ކުޅެން އެރި ފެރާން ޓޮރޭސްއެވެ.

އިޝްތިހާރު
އިޝްތިހާރު

ޚިޔާލު ފާޅުކުރައްވާ