ނ. ކެނދިކުޅުދޫ ސްކޫލްގައި އަޅާ 3 ބުރީގެ އިމާރާތުގެ މަސައްކަތް ކުރުމަށް ބަޔަކާ ހަވާލުކޮށްފިއެވެ.
މިމަސައްކަތް ހަވާލުކޮށްފައިވަނީ ވީއަވަރ އިންވެސްޓްމެންޓް ޕްރައިވެޓް ލިމިޓެޑާއެވެ. އެއީ 400 ދުވަހުގެ ތެރޭގައި މަސައްކަތް ނިންމާގޮތަށެވެ.
މި އެއްބަސްވުމުގައި އެޑިއުކޭޝަން މިނިސްޓްރީގެ ފަރާތުން ސޮއި ކުރެއްވީ ސީނިއާ ޕޮލިސީ ޑިރެކްޓަރު ނައުޝާދު އިބްރާހީމްއެވެ. އަދި ވީއަވަރ އިންވެސްޓްމަންޓްގެ ފަރާތުން ސޮއި ކުރެއްވީ އެ ކުންފުނީގެ ޕްރޮޖެކްޓް މެނޭޖަރު ސަދީމް އިބްރާހީމްއެވެ.
މިމަސައްކަތަކީ 11،084،571.72 (އެގާރަ މިލިއަން އަށްޑިހަ ހަތަރުހާސް ފައްސަތޭކަ ހަތްދިހަ އެއް ރުފިޔާ)ގެ މަޝްރޫއެކެވެ.
މި މަޝްރޫއު ކުރިއަށް ގެންދަނީ ޕީއެސްއައިޕީ ބަޖެޓުން ކަމަށް އެޑިއުކޭޝަން މިނިސްޓްރީން ބުނެއެވެ.
