ކުރިއަށް އޮތް ރައްޔިތުންގެ މަޖިލީހުގެ އިންތިޚާބު އަންނަ އަހަރުގެ ރޯދަ މަހަށް ފަހު ބާއްވަން އިލެކްޝަންސް ކޮމިޝަނަށް ހުށަހަޅަން މަޖިިލީހުގެ މިނިވަން މުއައްސަސާތަކާ ބެހޭ ކޮމިޓީން ފާސްކޮށްފިއެވެ.
މިއަދު ބޭއްވި ކޮމިޓީ ބައްދަލުވުމުގައި ރޯދައިގެ ފަހުން މަޖިލިސް އިންތިޚާބުގެ ވޯޓުލުން ބާއްވައި، އެޕްރީލް 28 ގެ ކުރިން އިންތިޚާބުގެ ކަންކަން ނިންމަން އީސީއަށް ހުށަހަޅަން ބާރަށު ދާއިރާގެ މެމްބަރު އަހްމަދު އަބްދުﷲ ވަނީ ހުށަހަޅުއްވާފައެވެ. އެ ހުށަހެޅުމަށް ތާއީދުކުރެއްވީ މެދު ހެންވޭރު ދާއިރާގެ މެމްބަރު އަލީ އާޒިމެވެ.
ރޯދަމަހަށް ފަހު ވެސް ގާނޫނުގައި ބުނާ 30 ދުވަހުގެ މުއްދަތު އީސީ އަށް ލިބޭކަން ފާހަގަކޮށް، އެ ބައްދަލުވުމުގައި ކޮމިޓީގެ ހުރިހާ މެންބަރުންގެ އިއްތިފާގުން ރޯދަމަހުގެ ކުރިން އިންތިހާބު ބޭއްވުމުގެ ބަދަލުގައި ރޯދަމަހަށް ފަހު އިންތިހާބު ބޭއްވުމަށް ވަނީ ފާސްކޮށްފައެވެ.
