ހއ. ދިއްދު އަށް ރޭ ކުރި ވިއްސާރައިގައި ފްލެޓުތަކަށް ބޮޑެތި ގެއްލުންތައް ވެއްޖެ އެވެ.
އެ ރަށު ކައުންސިލްގެ ރައީސް އަބްދުﷲ ރަޝީދު މިއަދު ވިދާޅުވީ ބޯކޮށް ވާރޭވެހި، ގުގުރައި ރޭ ފަތިހު 4:00 ހާއިރު އައި ރޯޅިއެއްގައި މީހުން ދިރިއުޅޭ ހަ ރޯ ހައުސްއެއްގެ ފުރާޅުގެ ޓިނުތައް އެއްލާލާފައިވާ ކަމަށެވެ.
އެހެންވެ، ކަމާ ގުޅޭ ފަރާތްތަކާ އެކު، އެ ގެތަކުގައި ވަގުތީ ގޮތުން ޓިނު ޖަހައި، މި ވަގުތަށް ހައްލެއް ގެނައުމުގެ މަސައްކަތް ކުރަމުން އަންނަ ކަމަށް އޭނާ ވިދާޅުވި އެވެ
ރަޝީދު ވިދާޅުވީ ޓިނު އެއްލައިލުމުން ގޭގައި ހުރި ބައެއް ފަރުނީޗަރުތަކަށް ވެސް ގެއްލުން ލިބިފައިވާ ކަމަށެވެ. އެކަން ޑިޒާސްޓާ މެނޭޖްމަންޓް އޮތޯރިޓީއަށް އަންގައި، އެ ހުރިހާ ތަނަކަށް ލިބުނު ގެއްލުންތައް ބަލަމުން އަންނަ ކަމަށް ކައުންސިލުން ބުންޏެވެ.
