މީހުންގެ އަތުން މަކަރާއި ހީލަތުން ފައިސާ ހޯދަމުންދާ ބައެއް ހޯދުމުގެ މަސައްކަތް ފުލުހުން ފަށައިފިއެވެ.
ފުލުހުން ހޯދަން އިއުލާންކޮށްފައިވަނީ 3 މީހެކެވެ. އެމީހުންނަކީ ހއ. ތުރާކުނު އަސުރުމާގޭ އުމުރުން 25 އަހަރުގެ އަލީ ޝަރީފާއި ލ. ގަން މަތިމަރަދޫ ނަޔާޗާންދު އުމުރުން 37 އަހަރުގެ އަލީ ޝަމީމާއި އއ. ކުނބުރުދޫ މާބަގީޗާގޭ އުމުރުން 24 އަހަރުގެ އައިޝަތު ނުހާއެވެ.
ފުލުހުން ބުނީ މި އެންމެންވެސް ހޯދަނީ ހުޅުމާލެ ފޭސް 2 ޕޮލިސް ސްޓޭޝަނުން ތަހުގީގު ކުރަމުންދާ، މަކަރާއި ހީލަތުން ފައިސާ ހޯދާފައިވާ މައްސަލައެއްގެ ތަހުގީގަށް ހާޒިރުކުރުމަށް ބޭނުންވެގެންކަމަށެވެ. އަދި މިމީހުން އުޅޭ ވަކިތަނެއް ނޭނގުމުގެ ސަބަބުން ތަހުގީގަށް ހާޒިރުވުމަށް ޗިޓު ރައްދުކުރެވިފައި ނުވާކަމަށް ފުލުހުން ބުނެއެވެ.
