މޫސުމާ ބެހޭ ގައުމީ އިދާރާ(މެޓް) އޮފީހުން މި އެލާޓް ކުރިން ނެރެފައިވަނީ މިރޭ 7 ޖެހުމާ ހަމައަށެވެ. ނަމަވެސް މިހާރު ވަނީ އެލާޓްގެ ވަގުތު މިރޭ 11 އާއި ހަމައަށް އިތުރުކޮށްފަ އެވެ.
އެލާޓް ނެރެފައިވާ ވަގުތުގައި ގަޑިއަކު 34 މޭލާއި، 40 މޭލާ ދެމެދުގެ ބާރުމިނުގައި ވައިޖެހި، ވިލާގަނޑުގައި ގަޑިއަކު 55 މޭލަށް ވައިގަދަވާނެ ކަމަށް ވަނީ ލަފާކޮށްފައެވެ. އަދި ކަނޑުތައް ވަރަށް ގަދަވާނެ ކަމަށްވެސް މެޓް އޮފީހުން ވަނީ ލަފާކޮށްފަ އެވެ.
މޫސުން ގޯސް ކަމަށް ލަފާކުރެވޭތީ މެޓް އޮފީހުން ވަނީ ހުރިހާ ފަރާތްތަކަކުން ވެސް މޫސުމަށް ސަމާލުވުމަށް އިލްތިމާސްކޮށްފަ އެވެ.
