ކ.މާފުށީ ގޮނޑުދޮށުގައި އެހެލައިފައި އޮތް ލޯންޗެއްގައި ރޯވެ، އަލިފާނުގެ ހާދިސާއެއް މިއަދު ހިނގައިފި އެވެ.
އެމްއެންޑީއެފުން ބުނީ ލޯންޗުގައި ރޯވިކަމުގެ މަޢުލޫމާތު އެ އިދާރާއަށް ލިބުނީ މިއަދު މެންދުރު 12:34 ހާއިރުކަމަށެވެ.
އަދި އެ ޚަބަރު ލިބުމާއެކު މާފުށި ފަޔަރ ސްޓޭޝަންގެ ފަޔަރ ފައިޓަރުން އެ ސަރަހައްދަށް ގޮސް، އަލިފާން ނިވުމުގެ މަސައްކަތް ކޮށްފައިޥާކަމަށް އެމްއެންޑިއެފުން ބުނެފައިވެއެވެ.
އެގޮތުން ފަޔަރފައިޓަރުން ކުރި މަސައްކަތުން އަލިފާން ނިއްވާލެވިފައިވަނީ މެންދުރު 12:46 ހާއިރުކަމަށާއި މި ހާދިސާގައި އެެއްވެސް މީހަކަށް އަނިޔާއެއް ލިބިފައި ނުވިނަމަވެސް، އެ ލޯންޗަށް ވަރަށް ބޮޑަށް ގެއްލުންވެފައިވާކަމަށް ވެސް އެ އިދާރާއިން ބުނެފައިވެއެވެ.
