މާލޭގެ ގެއަކުން މިއަދު މަރުވެފައި އޮއްވާ ފެނުނީ ގެއްލިގެން ހޯދަމުންދިޔަ ޒުވާނާކަމަށް ފުލުހުން ބުނެފިއެވެ.
ގެއްލިގެން ހޯދަމުންދިޔައީ މއ. ބޯޅަކިންކިރިމާގެ، އަހުމަދު އައިމަން (30އ)އެވެ. އަހުމަދު އައިމަން އެންމެ ފަހުން ފެނިފައިވަނީ މެއި 16 ވަނަ ދުވަހުގެ 21:30 ހާއިރު، އޭނާ ދިރިއުޅޭ ގެއިން ކަމަށް އާއިލާއިން ފުލުހުންނަށް އަންގާފައިވެއެވެ.
ފުލުހުން ބުނީ، މަރުވެފައި އޮއްވާ މ.ރަބީއުވިލާއިން މިއަދު ފެނިފައިވަނީ އަހުމްދު އައިމަންކަން ޔަގީންކުރެވިފައިވާކަމަށެވެ.
މާފަންނުގެ ގެއެއްގެ ގްރައުންޑް ފްލޯގައި ފިރިހެނަކު މަރުވެފައި އޮތް ކަމުގެ ރިޕޯޓު ފުލުހުންނަށް ލިބުނީ މިއަދު 14:20 ހާއިރުއެވެ.
މި މައްސަލަ ފުލުހުން ދަނީ ތަހުގީގުކުރަމުންނެވެ.
