މިހާރު ރާއްޖެއަށް ކުރަމުންދާ ވިއްސާރާގައި ޒޯން 1 ގެ އާރުޓީއެލް ހިދުމަތް މެދުކެނޑިފައި އޮންނަތާ 3 ދުވަސް ވެއްޖެއެވެ.
އާރުޓީއެލްގެ ފަރާތުން ބުނީ މޫސުން ގޯސްވެ ކަނޑު ގަދަވުމާ ގުޅިގެން ޒޯން 1 ގެ ހއ .ހދ އަދި ށ އަތޮޅުގެ ހުރިހާ ދަތުރުތަކެއްވަނީ ކެންސަލު ކުރެވިފައިކަމަށެވެ. އަދި މިކަމުން ދިމާވެދާނެ ދަތިތަކަށް އެފަރާތުން ވަނީ މާފަށް އެދިފައެވެ.
ފާއިތުވި 3 ދުވަހުގެ އުތުރުގެ ރަށްތަކުގެ މޫސުމަށް ބަލާއިރު އެކި ގަޑިތަކުގައި ވަނީ ރީދޫ ސަމާލު ނެރެފައެވެ. މި ވަގުތުވެސް ވަނީ މުޅި ރާއްޖެއަށް ހުދު ސަމާލު ނެރެފައެވެ. އެސަމާލުގައި ބުނަނީ ގަޑިއަކު 19 މެލާއި 24 މޭލަށް ވައިޖެހި، ވިލާގަނޑުގައި 40 މޭލަށް ވައި ޖެހޭނެ ކަމަށެވެ. އަދި ކަނޑުތައް ގަދަވާނެ ކަމަށެވެ.
