ފުލުހުން ތަހުގީގުކުރަމުން އަންނަ މާރާމާރީގެ މައްސަލައެއްގައި މީހަކު ހޯދަން އެއިދާރާއިން އިއުލާންކޮށްފިއެވެ.
ފުލުހުން ހޯދަން އިއުލާން ކޮށްފައިވަނީ ގއ. ދާންދޫ، ހިތަށްފިނިވާގޭ، މުހައްމަދު ޝާކިރު، 48، އެވެ.
ފުލުހުން ކުރި އިއުލާނުގައި ވަނީ އޭނާ ހޯދަނީ ހުޅުމާލެ ފޭސް 1 ގެ ފުލުހުން ބަލަމުން އަންނަ، މާރާމާރީގެ މައްސަލައެއްގެ ތަހުގީގަށް ހާޒިރުކުރުމަށް ބޭނުންވެ، އުޅޭ ވަކި ތަނެއް ނޭނގުމުގެ ސަބަބުން ތަހުގީގަށް ހާޒިރުވުމަށް ޗިޓު ރައްދުކުރެވިފައި ނުވާތީ ކަމަށެވެ.
އޭނަ ހޯދަން އިއުލާންކޮށްފައިވަނީ ޖިނާއީ މައްސަލަތައް ތަހުގީގުކުރުމުގައި ފުލުހުން އަމަލުކުރާނެ އިޖުރާއަތުގެ ގަވާއިދުގެ 27 ވަނަ މާއްދާގައިވާ ގޮތުގެމަތިންކަމަށް ފުލުހުން ބުނެފައިވެެއެވެ.
މި މަހުގެ 15 ވަނަ ދުވަހުގެ މެންދުރު ފަހު 1:00 އަށް ފޭސް 1 ޕޮލިސް ސްޓޭޝަން ޝާކިރު ހާޒިރުވާން ފުލުހުން ވަނީ އަންގާފައިވެއެވެ.
