ޕްރައިވަޓައިޒޭޝަން އެންޑް ކޯޕަރަޓައިޒޭޝަން ބޯޑު (ޕީސީބީ) އާއްމުކުރި މައުލޫމާތަށް ބަލާއިރު ސަރުކާރު ހިއްސާވާ 10 ކުންފުންޏެއްގެ ބޯޑު ގިނަ އަދަދެއްގެ މެންބަރުން ވަނީ ވަކިކޮށްފައެވެ.
މި ބަދަލުތަކުގެ ތެރޭގައި ހައުސިން ޑިވެލޮޕްމެންޓް ފައިނޭންސް ކޯޕަރޭޝަންގެ ބޯޑުން ދެ މެންބަރަކު ވަކިކޮށް ކުންފުނީގެ ބޯޑަށް ޒިދުނާ އިބްރާހިމް ވަނީ އައްޔަންކޮށްފައެވެ. އެ ކުންފުނިީގެ ބޯޑުން ވަކިކުރީ މުހައްމަދު ރަޝީދާއި ހާމިދު ސޯދިގެވެ.
ވޭސްޓް މެނޭޖްމެންޓް ކޯޕަރޭޝަންގެ ޑިރެކްޓަރުންގެ ބޯޑުން އަލީ ނަބީލާއި މުސްތަފާ މުހައްމަދު އަދި އަލީ އިކްރާމް ވަނީ ވަކިކޮށްފައެވެ.
މޯލްޑިވްސް ޕޯސްޓްގެ ޗެއާޕާސަން މުހައްމަދު އަބްދުﷲ އާއި ބޯޑު މެންބަރު މުހައްމަދު ނާޝިދު ވަނީ އެބޯޑުން ވަކިކޮށްފައެވެ. އަލަށް އެބޯޑަށް އައްޔަންކުރީ ހައްވާ ސަފްނާއެވެ.
އައްޑޫ އިންޓަނޭޝަނަލް އެއާޕޯޓް ކުންފުނީގެ ޑިރެކްޓަރުންގެ ބޯޑުން ހުސެއިން މުހައްމަދު ދީދީ އާއި ޝާތިފް އަލީ އަދި ޝަޒުރާ ޝާކިރު ވަނީ ވަކިކޮށްފައެވެ.
ބިޒްނަސް ސެންޓާ ކޯޕަރޭޝަންގެ ބޯޑުން ލަމްޔާ އިބްރާހިމާއި އަހުމަދު އިފްތިހާރު ވަނީ ވަކިކޮށްފައެވެ. ފަހި ދިރިއުޅުން ކޯޕަރޭޝަންގެ ބޯޑު މެންބަރުކަމުން ނަޖީލް އަހުމަދު ވެސް ވަނީ ވަކިކޮށްފައެެވެ.
ޕޮލިސް ވެލްފެއާ ކޯޕަރޭޝަންގެ ބޯޑު މެންބަރުކަމުން އަލީ ނަޒީރުވަނީ ވަކިކޮށްފައެވެ. އަދި އެސްއެމްއީ ޑިވެލޮޕްމެންޓް ފައިނޭންސް ކޯޕަރޭޝަންގެ ބޯޑުން ޝުހުދާ އިބްރާހިމްވެސް ވަނީ ވަކިކޮށްފައެވެ. މީގެއިތުރުން ޓްރޭޑް ނެޓް މޯލްޑިވްސް ކޯޕަރޭޝަންގެ ޑިރެކްޓަރުންގެ ބޯޑުން ނާހިޔާ މުހައްމަދު ވަނީ ވަކިކޮށްފައެވެ.
ކުންފުނިތަކުގެ ޑިރެކްޓަރުންގެ ބޯޑުން މެންބަރުން ވަކިކުރި ސަބަބެއް ޕީސީބީއަކުން ނުބުނެއެވެ.
