ބޯކޮށް ވާރޭ ވެހި، ފެން ބޮޑުވާނެ ކަމަށް ލަފާކުރެވޭތީ ހަނިމާދޫ ހިމެނޭ ހދ، ހއ، ށ، އަތޮޅަށް އޮރެންޖު އިންޒާރު ދެންމެ ނެރެފިއެވެ.
މެޓް އޮފީހުން ވިދާޅުވީ މި ތިން އަތޮޅަށް މިއަދު ހަވީރު 4:00 އިން ފެށިގެން މިރޭ އިރު އޮއްސި 7:00 އާ ހަމައަށް ގުގުރުމާއި އެކު ބޯކޮށް ވާރޭ ވެހި، ފެން ބޮޑުވާނެ ކަމަށް ލަފާ ކުރެވޭ ކަމަށެވެ.
މިގެއިތުރުން ރީނދޫ ސަމާލު ވަނީ ނެރެފައެވެ. އެއީ ހއ. އަތޮޅުން ފެށިގެން އދ. އަތޮޅާއި ހަމައަށް މިއަދު މެންދުރު ފަހު 15:00 އިން ފެށިގެން އިރުއޮއްސި 19:00 އާ ހަމައަށެވެ.
މެޓު އޮފީހުން އާންމުކޮށްފައިވާ ގޮތުގައި މި ވަގުތުގައި ގަޑިއަކު 25 މޭލާއި 30 މޭލާއު ދެމެދުގެ ބާރުމިނުގައި ވައި ޖެހި ވިލާގަނޑުގައި ގަޑިއަކު 50 މޭލަށް ވައިގަދަވެ، ކަނޑުތައް ވެސް ގަދަވާނެ ކަމަށް ލަފާ ކުރެވޭ ކަމަށެވެ.
މި ހަފުތާ އެކީގައި ރާއްޖޭގެ ހުރިހާ ހިސާބަކަށް ވެސް މޫސުން ގޯސްވާނެތީ ކަމާބެހޭ ފަރާތްތަކުން ވަނީ ސަމާލުވުމަށް އިލްތިމާސްކޮށްފައެވެ.
