މިކަމާ ގުޅިގެން ފުލުހުން ބުނީ، އޭނާ ވެއްޓުނީ މާފަންނު ކަސްޓަމްސް އިމާރާތް ކައިރީ ހުންނަ އިމާރާތަކުން ކަމަށެވެ.
މިކަމާ ގުޅިގެން ފުލުހުން އެ ސަރަހައްދުގައި ހަރަކާތްތެރިވަމުން ދާކަމަށް ވަނީ ބުނެފައެވެ.
ވެއްޓިފައިވަނީ އަންހެނެއްކަމެއް ނުވަތަ ފިރިހެނެއްކަން ފުލުހުން ކަށަވަރު ކޮށްދީފައެއް ނުވެއެވެ. އަދި އޭނާއާ ގުޅޭ އިތުރު މައުލޫމާތެއް ހިއްސާ ނުކުރެއެވެ.
ނަމަވެސް، ސޯޝަލް މީޑިއާގައި ވަނީ މިކަމާ ގުޅޭ ބައެއް ވީޑިއޯތައް ދައުރުވެފައެވެ. ވީޑިއޯގައި ފެންނަނީ ވެއްޓުނު މީހާ ލޮރީއަކަށް އަރުވައިގެން ހޮސްޕިޓަލަށް ގެންދާ މަންޒަރެވެ.
