މި ހާދިސާ ހިނގާފައިވަނީ މާލޭ ބޮޑުތަކުރުފާނު މަގު، މޯލްޑިވްސް ޕޯޓްސް ލިމިޓެޑް (އެމްޕީއެލް) ކައިރީގައެވެ. އެ ސަރަހައްދުގައި ހުންނަ މ. ހަސޯވާގެ އިމާރާތުގެ 9 ވަނަ ފަންގިފިލާއިން ވެއްޓިފައިވަނީ އަންހެނެކެވެ.
ފުލުހުން ދެންމެ ވިދާޅުވީ، އެއިމާރާތުގެ މަތިން ވެއްޓުނު މީހާ ނިޔާވެފައިވާ ކަމަށެވެ. އަދި އެ މައްސަލަ މިހާރު ތަހުގީގު ކުރަމުން އަންނަ ކަމަށް ވެސް ފުލުހުން ވިދާޅުވިއެވެ.
ފުލުހުން ވަނީ މިހާދިސާގައި އާއިލާއަށް ލިބިފައިވާ ހިތާމައިގެ މި ދަނޑިވަޅުގައި، އާއިލާގެ އިހުސާސަތްކަށް އިހުތިރާމުކޮށް، ނިޔާވި މީހާގެ ފޮޓޯއާއި ހާދިސާގެ މަންޒަރުތައް މީސްމީޑިއާގެ ވަސީލަތްތަކުގައި ދައުރު ނުކުރުމަށް އިލްތިމާސް ކޮށްފައެވެ.
