ހދ.އަތޮޅު ކައުންސިލުގެ ނައިބުރައީސް ޢަބްދުލް ސައްތާރު އެމަގާމުން މިއަދު ވަކިކޮށްފިއެވެ. އޭނާ އެމަގާމުން ވަކިކޮށްފައިވަނީ މިއަދު ބޭއްވި އަތޮޅު ކައުންސިލްގެ ޖަލުސާގައި ބައިވެރި ވެލެއްވި މެންބަރުގެ އަޣުލަބިއްޔަތުންނެވެ.
ޖަވާބުދާރީވުމަށް 30 ދުވަހުގެ މުއްދަތެއް ދިނުމަށްފަހު ސައްތާރުގެ އިތުބާރު ނެތްކަމަށް ފާސްވީ ޖަލްސާގައި ބައިވެރިވި 12 މެންބަރުގެ ތެރެއިން 9 މެންބަރުގެ ތާއިދާއިއެކު އެވެ. ވަކިކޮޅަކަށް ވޯޓް ނުދެއްވާ ތިން މެންބަރަކު ތިއްބެވި އެވެ. އެއީ ފިނޭ، ނޭކުރެންދޫ އަދި މަކުނުދޫ ކައުންސިލްގެ ރައީސުންނެވެ.
ކުރިނބީ ކައުންސިލްގެ ރައީސް އަބުދުﷲ އަސްލަމު ރިޔާސަތު ބެލެހެއްޓެވި ހދ.އަތޮޅު ކައުންސިލް ޖަލުސާގައި ހިރިމަރަދޫ ކައުންސިލްގެ ރައީސް މުހައްމަދު ވަހީދު ހުށައެޅި މައްސަލައިގައި ވަނީ އަތޮޅު ކައުންސިލް ވަގުތީގޮތުން ހިންގެވުމާއި ހަވާލުވެހުންނެވި އަދި އެކައުންސިލްގެ ނައިބު ރައީސް އަބުދުއްސައްތާރު މަގާމުގެ މަސްއޫލިއްޔަތު އަދާކުރުމަށް ބޮޑުތަނުން އިހުމާލުވެ އަތޮޅު ކައުންސިލަށާއި އަތޮޅުގެ ރައްޔިތުންގެ ހައްގުތަކަށް އިހުމާލުވަމުންދާ ކަމަށެވެ.
ހދ އަތޮޅު ކައުންސިލްގެ ނައިބު ރައީސްގެ މަގާމަށް އަބްދުއްސައްތާރު އިންތިހާބުކުރެއްވީ 2023 ވަނަ އަހަރުގެ ފެބްރުއަރީމަހުގެ ކުރީކޮޅު އެވެ. ސައްތާރަކީ އެ ކައުންސިލްގެ މި ދައުރުގެ ދެވަނަ ނައިބު ރައީސެވެ. އޭގެ ކުރިން ހުންނެވީ ކުމުންދޫ ކައުންސިލްގެ ރައީސް އަމީން މުހައްމަދެވެ. އަމީން ނައިބު ރައީސްގެ މަގާމުން އިސްތިއުފާދެއްވީ އަތޮޅު ކައުންސިލްގެ މަސައްކަތަށް އެކަށީގެންވާ ވަގުތު ނުދެވޭތީ އެވެ.
ނައިބުރައީސްވަކިކުރިއިރު ރައީސްވައްކެއްނުކުރެވޭތަ ވަރައްގިނަ ކައުންސިލުތަކުގެ ރައީސުން ވަރަށްފަރުވާކުޑަ