ކުޅުދުއްފުށި ޗެމްޕިއަންޝިޕް ސެމީފައިނަލް ދެވަނަ މެޗުގައި މިއަދު ކްލަބް ކޮރަލް ލަނޑެއް ޖަހާފައިވަނިކޮށް ފަހަތުން އަރައި ދެ ލަނޑު ޖަހައިގެން ހަނިމާދޫ ޒުވާނުންގެ ޖަމުޢިއްޔާ މިވަނީ ފައިނަލަށް ގޮސްފައެވެ.
މެޗު 11 ވަނަ މިނެޓުގައި ކުލަބް ކޮރަލްގެ އަހުމަދު އާދަމް (ޒަރޭ) ވަނީ ލަނޑެއްޖަހާފައެވެ. އެއާއިއެކު ދެ ޓީމުގެ ކުޅުން ވަރުގަދަ ވެގެން ދިޔަނަމަވެސް ކައިރި ކަރީ ހަނިމާދޫ ޓީމުން ވަނީ ދެ ލަނޑު ކާމިޔާބު ކޮށްފައެވެ. އެއީ މެޗުގެ 31 ވަނަ މިނެޓާއި 45 މިނެޓުގެ ތެރޭގައި ކާމިޔާބުކުރި ލަނޑެވެ. މި ދެލަނޑުވެސް ޖަހާފައިވަނީ މުޙައްމަދު ޚާލިދު އެވެ.
މިމެޗުގެ މޮޅު ކުޅުންތެރިއަކަށް ހޮވުނީ ހަނިމާދޫ ޒުވާނުންގެ ޖަމުޢިއްޔާގެ ޢަލީ ހުސައިން އެވެ. އޭނާ ވަނީ މި މެޗު ހަނިމާދޫ ކާމިޔާބު ކޮށްދިނުމަށް މުހިންމު ރޯލެއް އަދާކޮށްފައެވެ.
މި މުބާރާތުގެ ފައިނަލް މެޗު ކުޅެން ހަމަޖެހިފައިވަނީ ހުކުރު ދުވަހު ހަވީރުއެވެ. ވާދަކުރާނީ ހަނިމާދޫ ޒުވާނުން ޖަމުޢިއްޔާ އާއި ހިރިމަރަދޫ ކުލަބު ޑޮމިނޭޓާސް އެވެ.
