އެ ހާދިސާގެ ފޮޓޯއާއި ވީޑިއޯ ސޯޝަލް މީޑިއާގައި އާންމުވެފައިވާއިރު، އިމާރާތެއްގައި ވަރަށް ބޮޑަށް ރޯވެ، ދުން އަރަމުންދާ މަންޒަރު ފެނެެއެވެ.
އެ ސަރަހައްދުން ވީޑިއޯއާއެކު މައުލޫމާތު ހިއްސާކުރި މީހަކު ސޯޝަލް މީޑިއާގައި ބުނެފައިވާ ގޮތުގައި، ރޯވެފައިވަނީ މެރިންޑޯ މެރިންވޯކްސްގެ ވޯކްޝޮޕްގައެވެ.
އެ ވީޑިއޯއިން، ރޯވެފައިވާ ގުދަނުން ގޮވުމުގެ އަޑުތަކެއް ވެސް އިވެއެވެ. އަދި އަލިފާންގަނޑު، ކައިރި އިމާރާތްތަކަށް ވެސް ފެތުރެމުންދާ މަންޒަރު ވީޑިއޯއިން ފެނެއެވެ.
އެމްއެންޑީއެފުން މީޑިއާތަކާ ހިއްސާކުރި މެސެޖެއްގައި ވަނީ އަލިފާން ނިއްވުމަށް ތިލަފުށީ ފަޔާ ސެންޓަރުން ހަރަކާތްތެރިވަމުން އަންނަ ކަމަށެވެ. އެ ހާދިސާގައި އެއްވެސް މީހަކަށް އަނިޔާވެފައިވާ ކަމުގެ ރިޕޯޓެއް މިހާތަނަށް ލިބިފައިނުވާ ކަމަށް ވެސް އެމްއެންޑީއެފުން ބުންޏެވެ.
އެސަހައްދުގައި ހުރި 4 ގުދަަނަކަށް އަލިފާންގަނޑު ފެތުރި ރޯވެފައިވާކަމަށް މަޢުލޫމާތު ލިބެއެވެ. އެ ސަރަހައްދުގައި ކޮކީ ފިހާރައިގެ ގުދަނާއި އެކޮމަޑޭޝަން ބްލޮކްތައްވެސް ހުރި ކަމަށް މަޢުލޫމާތު ދޭ މީހާ ބުނެފައިވެއެވެ. އަދި އެންމެ ދުން ބޯވި ވަގުތުގައިވެސް މަތިން މީހަކު ފުންމާލި ތަން ފެނުނު ކަމަށް އެ ސަރަހައްދުގައި ލައިވްކޮށްގެން ހުރި މީހަކު މަޢުލޫމާތު ދީފައިވެއެވެ.
