އޭވިއޭޝަން ސެކިއުރިޓީ ކޮމާންޑުން ވިދާޅުވީ، ރާއްޖެއިން ބަންގްލަދޭޝްގެ ވެރިރަށް ޑާކާއަށް ދަތުރުކުރުމަށް އެއަރޕޯޓަށް ދިޔަ ބަންގްލަދޭޝްގެ ރައްޔިތެއްގެ އަތުން ޤަވާއިދާއި ޚިލާފަށް ބޭރުކުރަން އުޅުނު ގިނަ އަދަދެއްގެ ފައިސާ މިއަދު އަތުލައިގަނެފައި ވާކަމަށެވެ.
މި މީހާއަކީ ރާއްޖެއިން ޑާކާއަށް ދަތުރުކުރި ފްލައިޓް ނަންބަރު (BS338)ން ދަތުރުކުރުމަށް އެއަރޕޯޓަށް ދިޔަ މީހެއްކަމަށްވެސް އެފަރާތުން ބުނެއެވެ.
އެގޮތުން އޭނާގެ އަތުން އަތުލައިގެން ނަގުދު ފައިސާގެ އަދަދު 81،030ށް އެމެރިކާ ޑޮލަރަށް އަރާކަމުގައި އެ އޮތޯރިޓީން ވިދާޅުވެއެވެ.
މި މީހާއާއި ގުޅޭ އިތުރު ތަފްސީލެއް އެ އޮތޯރިޓީން ހާމަކޮށްފައި ނުވި ނަމަވެސް، އޭނާ މިހާރު ކަމާއި ގުޅުންހުރި ފަރާތްތަކުގެ ބެލުމުގެ ދަށަށް ގެންދެވިފައިވާ ކަމަށް އެ އޮތޯރިޓީން ވިދާޅުވިއެވެ.
ރާއްޖެއިން ބޭރަށް ފުރާ ފަސިންޖަރުންނާއި ރާއްޖެއިން ބޭރުން ރާއްޖެ އެތެރެވާސިންޖަރުންގެ އަތުން ޤަވާއިދާއި ޚިލާފަށް އެތެރެކުރަން މަސައްކަތް ކުރާ ފައިސާ، މިގެ ކުރިންވެސް ވަނީ އަތުލައިގެންފައެވެ.
ރާއްޖޭން ބޭރަށް 10,000 ޑޮލަރަށް ވުރެ ގިނައިން ގެންދާނަމަ ކަސްޓަމްސްއަށް ޑިކްލެއާ ކުރަން ޖެހެ އެވެ.
