ރައްޔިތުންގެ މަޖިލީހުގެ ރައީސްގެ ގެކޮޅު ކަމަށްވާ މ. މުރައިދޫ ގޭގެ ޑިރެކްޓާ ޖެނެރަލްގެ މަގާމަށް މޮޅު ފުޓްބޯޅަ ކުޅުންތެރިޔާ އަލީ އަޝްފާގް (ދަގަނޑޭ) ހަމަޖައްސައިފިއެވެ.
ރާއްޖޭގައި އުފެދުނު އެންމެ މޮޅު ފުޓްބޯޅަ ކުޅުންތެރިތާ އަލީ އަޝްފާގް އެ މަގާމަށް އައްޔަންކޮށްފައިވަނީ މިދިޔަ ޖުލައި މަހުގެ ތެރޭގައެވެ. އަސްފާގު އިތުރުން ރާއްޖޭ މަޝްހޫރު ނޫސްވެރިޔާ އާދަމް ހަލީމަށްވެސް ވަނީ ރައްޔިތުން މަޖިލީހުގެ ގެކޮޅުން އިސް މަގާމެއް ދެއްވާފާއެވެ. އާދަމް ހަލީމް އަކީ މުރައިދޫގެ ޗީފް އޮފް ސްޓާފްއެވެ.
ރައްޔިތުން މަޖިލީހުގެ ރައީސަށް ހާއްސަކޮށްފައިވާ ރަސްމީ ގެކޮޅު މުރައިދޫގެއަށް އަބްދުއްރަހީމް އަބްދުﷲ ބަދަލުވެޑައިގަތީވެސް މިދިޔަ ޖުލައިމަހުގެ ތެރޭގައެވެވެ.
މަޖީލީހުގެ ރައީސްގެ ހައިސިއްޔަތުން މުރައިދޫގޭގައި އެންމެ ފުރަތަމަ އުޅުއްވީ ރައީސް މުހައްމަދު ނަޝީދުއެވެ. އެގެކޮޅު މަޖިލީހުގެ ރައީސަށް ހާއްސަ ކުރީ މެއި 6، 2021 ގައި ކުރީގެ ރައީސް މުހައްމަދު ނަޝީދަށް އަމާޒުކޮށް ދިން ބޮމުގެ ހަމަލާއަށް ފަހު ސަލާމަތީ ގޮތުން ކަންކަން ވަރުގަދަކުރުމަށެވެ.
