ހަތް ގައުމެއްގެ ސަފީރުން އެބޭފުޅުންގެ ސަފީރުކަމުގެ ފަތްކޮޅު ރައީސް ޑރ.މުހައްމަދު މުއިއްޒަށް އަރުވައިފި އެވެ.
މިއަދު ހެނދުނު ރައީސް އޮފީހުގައި ބޭއްވި ރަސްމިއްޔާތުތަކެއްގައި ރައީސަަށް ފަތްކޮޅު އެރުވީ އަލްޖީރިއާ، ޖިބޫޓީ، ބަލްގޭރިއާ، ވިއެޓްނާމް، އަޒަރުބައިޖާން، ޖޯޖިއާ، އަދި ގަތަރުން ރާއްޖެއަށް ކަނޑައަޅާފައިވާ ސަފީރުންނެވެ.
ސަފީރުންގެ ފަތްކޮޅުތަކާ ހަވާލުވެ ވަޑައިގަތުމަށްފަހު ރައީސް ވަނީ އެ ބޭފުޅުންނާ ވަކިވަކިން ބައްދަލުކުރައްވައި، އެ ގައުމުތަކާ އޮންނަ ގުޅުން އިތުރަށް ބަދަހިކުރެވިދާނެ ދާއިރާތަކާ ގުޅޭގޮތުން މަޝްވަރާ ކުރައްވާފަ އެވެ.
އޭގެ ތެރޭގައި ވިޔަފާރި އާއި އިގްތިސާދާއި ތައުލީމާއި ޓޫރިޒަމް ދާއިރާއާ ގުޅޭ ގޮތުން މަޝްވަރާތަކެއް ކުރެއްވި އެވެ.
