މިއަދު އަލިފާނުގެ ހާދިސާއެއް ހިނގި ހެންވޭރުގެ ގޭގައި އަނެއްކާވެސް އަލިފާން ރޯވެގެން ސަލާމަތީ ބާރުތަކުން ހަރަކާތްތެރިވާން ފަށައިފި އެވެ.
އަލިފާނުގެ ބޮޑު ހާދިސާއެއް މިއަދު ހިނގީ ހ. ދޫހިމިރި ގޭގައި ހިންގަމުން އައި ކެފޭއެއްގައި އެވެ.
ފުލުހުން މީގެ އިރުކޮޅެއް ކުރިން މީޑިއާތަކަށް ފޮނުވި މެސެޖެއްގައި ބުނީ މިއަދު އަލިފާނުގެ ހާދިސާ ހިނގި ގޭގައި އަނެއްކާވެސް އަލިފާން ރޯވެގެން ސިފައިންނާއި ފުލުހުން ހަރަކާތްތެރިވަމުންދާ ކަމަށެވެ.
ދޫހިމިރި ގޭގައި ހިންގަމުން އައި ގާމަގު ކެފޭގައި އަލިފާން ރޯވެގެން އެމްއެންޑީއެފްއަށް ރިޕޯޓުކޮށްފައިވަނީ މިއަދު މެންދުރު ފަހު 3:30 ހާއިރުއެވެ. އެމްއެންޑީއެފްގެ ފަޔާ އެންޑް ރެސްކިއުއިން އެ އަލިފާންގަނޑު ނިއްވާލެވުނީ އޭގެ ގަޑިއިރެއް ހާއިރުވި ފަހުންނެވެ. ނަމަވެސް އަލިފާން އަލުން ރޯވާން ދިމާވި ސަބަބެއް އަދި މިހާތަނަށް ސިފައިންނާއި ފުލުހުންވެސް ހާމަކޮށްފައެއް ނުވެއެވެ.
މިހާދިސާގައި 22 ދިވެހިން ހިމެނޭހެން 37 މީހަކު ހާލުގައި ޖެހިގެން އެންޑީއެމްއޭއިން އަންނަނީ އެހީތެރިކަން ފޯރުކޮށްދެމުންނެވެ.
