ވަރަށް ބޮޑަށް ޒަހަމްކޮށްލާފައި އޮއްވައި މާލޭގެ ގެސްޓް ހައުސަކުން މިދިޔަ ހޯމަ ދުވަހު ފެނުނު މީހާއަށް އަނިޔާކުރި ކަމުގެ ތުހުމަތުގައި އަހްމަދު މާޒިން އިބްރާހިމް، 23، މއ. ވޮއްކޮޅުގެއާގެ، މާލެ އާއި ފައުޒާން ޒަރީރު، 23، ފެރިސް، ކ. ތުލުސްދު އެވެ.
ފުލުހުން ބުނީ ކޯޓު އަމުރެއްގެ ދަށުން އެ ދެ މީހުން ހައްޔަރުކުރީ، ޒަހަމްތަކަކާ އެކު އޮއްވައި ފެނުނު މީހާއާ މެދުގައި މާރާމާރި ހިންގި ކަމުގެ ތުހުމަތުގައި ކަމަށެވެ.
އެ ދެ މީހުންގެ ބަންދާމެދު ގޮތެއް ނިންމުމަށް ކްރިމިނަލް ކޯޓަށް ގެންދިއުމުން ޝަރީއަތް ނިމެންދެން ބަންދުކުރަން އަމުރުކޮށްފައިވާ ކަމަށް ފުލުހުން ބުންޏެވެ.
އައިޖީއެމްއެޗުން މިއަދު ވަނީ، އެމީހާގެ ހާލު އަދިވެސް ސީރިޔަސް ކަމަށާއި ފަރުވާ ދެމުންދަނީ އެ ހޮސްޕިޓާލުގެ އިންޓެންސިވް ކެއަރ ޔުނިޓް (އައިސީޔޫ) ގައިކަމަށް ވިދާޅުވެފައެވެ. އެ މީހާ ގެސްޓްހައުސް ތެރެއިން ނެރޭ ވީޑިއޯއެއް މިހާރު މީސް މީޑިއާގައި ވަނީ އާއްމު ވެފައެވެ.
