މި ޕޯޓަލްއަކީ ފެނަކައިގެ އިންޖީނުގެތަކާއި ހެޑް އޮފީހުގެ ގުޅުން ވަރުގަދަކޮށް، ކުންފުނީގެ ހިދުމަތްތައް އިތުރަށް ހަރުދަނާކުރުމަށް ގެނެވުނު އިންގިލާބީ ބަދަލެކެވެ.
ގިރުނބާ ޕޯޓަލްގެ ޒަރީއާއިން، ރާއްޖޭގެ އެކި ކަންކޮޅުތަކުގައި ހުރި ފެނަކައިގެ އިންޖީނުގެތަކުގެ ހާލަތު ވަގުތުން ވަގުތަށް ބެލޭނެއެވެ. މީގެ ތެރޭގައި އިންޖީނުތަކުގެ މަސައްކަތްކުރާ މިންވަރު، ޑީސަލް އަދި ލުބް އޮއިލްގެ މިންވަރު، އަދި އިންޖީނުތަކުގެ މަރާމާތުގެ ހާލަތު ހިމެނެއެވެ. މި މަޢުލޫމާތުތައް ރިއަލްޓައިމްކޮށް ލިބުމުން، މައްސަލަތައް އަވަހަށް ދެނެގަނެ، އެކަށީގެންވާ ފިޔަވަޅުތައް އެޅުމަށް މަގުފަހިވެގެންދާނެއެވެ.
ފެނަކައިގެ މެނޭޖިން ޑިރެކްޓަރު މުއާޒް މުހައްމަދު ރަޝީދު މީޑިއާތަކާ ވާހަކަ ދައްކަވަމުން ވިދާޅުވެފައިވަނީ މި ޕޯޓަލާއި ގުޅޭގޮތުން ވިދާޅުވެފައިވަނީ، މި ޕޯޓަލް ތަޢާރަފުކުރުމުގެ މައިގަނޑު ބޭނުމަކީ ރަށްރަށުގެ އިންޖީނުގެތަކާއި ހެޑް އޮފީހުގެ ގުޅުން ވަރުގަދަކުރުންކަމަށެވެ. އޭނާ ވިދާޅުވީ ރަށްރަށަށް ކުރެއްވި ދަތުރުތަކުގައި މި ގުޅުން ކެނޑިފައިވާ މިންވަރު އިހުސާސްކުރެވުނު ކަމަށެވެ.
ގިރުނބާ ޕޯޓަލް ފުރިހަމައަށް ތަންފީޒުކުރެވުމުން، މެނުއަލްކޮށް ކުރަމުންދިޔަ ގިނަ މަސައްކަތްތައް އޮޓޮމޭޓްވެގެންދާނެއެވެ. މީގެ ސަބަބުން މުވައްޒަފުންގެ މަސައްކަތަށް ލުއިފަސޭހަކަން ލިބި، ކަރުދާހުގެ ބޭނުން މަދުވެ، ހިންގުމުގެ ހަރަދު ކުޑަވެގެންދާނެއެވެ. އަދި މިއީ ރައްޔިތުންނަށް ދެވޭ ހިދުމަތްތަކުގެ ފެންވަރު މަތިކުރުމަށް އެޅޭ މުހިންމު ފިޔަވަޅެކެވެ.
