ފުލުހުން ބުނީ ބްރިޖް އެއާޕޯޓު ޓްރެފިކް ލައިޓް ކައިރިން ދެ ސައިކަލު ޖެހި އެކްސިޑެންޓެއް ހިނގާފައިވާ ކަމަށް މިއަދު މެންދުރު 12:57 ހާއިރު ރިޕޯޓުކޮށްފައިވާ ކަމަށެވެ.
މި އެކްސިޑެންޓުގައި އެތަނުން އެއް ސައިކަލު ދުއްވި މީހާ އަށް އަނިޔާވެގެން ހުޅުމާލެ ހޮސްޕިޓަލަށް ގެންގޮސްފައިވާ ކަމަށާއި އެއީ ދިވެހި އަންހެނެއް ކަމަށް ފުލުހުން ބުނެ އެވެ.
މި އެކްސިޑެންޓުގައި ހިމެނޭ ސައިކަލު ދުއްވި މީހުންނަކީ ސައިކަލު ދުއްވުމުގެ ލައިސެންސް އޮންނަ މީހުން ކަމަށް ފުލުހުން މައުލޫމާތުދެ އެވެ.
ފުލުހުން އަންނަނީ މި އެކްސިޑެންޓާއި ގުޅިގެން ބަލަންޖެހޭ ކަންކަން ބަލަމުންނެވެ.
