ހަނިމާދޫ ޒުވާނުންގެ ޖަމުޢިއްޔާއިން މަޢުލޫމާތު ދެއްވިގޮތުގައި، “އިޤްރަޢު” ވޯކްޝޮޕަކީ ތަޖުވީދު ޤަވާޢިދުން ޤުރުއާން ކިޔެވުމާއި، އަދަބު އަޚްލާޤު އަދި ނަމާދުގެ މުހިންމުކަން އުނގަންނައިދިނުމުގެ އިތުރުން، ބަންގި ގޮވުމާއި އިމާމުވެ ނަމާދުކުރުން ދަސްކޮށްދިނުމަށް ހަނިމާދޫގައި ކުރިއަށްގެންދެވޭ ޕްރޮގްރާމެކެވެ.
މި ޕްރޮގްރާމުގައި 4 އަހަރާއި 18 އަހަރާ ދެމެދުގެ ކުދިންނަށް ބައިވެރިވެވޭނެއެވެ. ބައިވެރިވުމަށް ޝައުޤުވެރިވާ ފަރާތްތަކުން އޮކްޓޫބަރު 1 ވަނަ ދުވަހުގެ ކުރިން ފޯމު ހުށަހެޅުއްވުން ޖެހޭނެވެ. މި ޕްރޮގްރާމުގައި ބައިވެރިވާ ކޮންމެ ދަރިވަރެއްގެ އަތުން ފީއެއްގެ ގޮތުގައި ކޮންމެ މަހަކު 500 ރުފިޔާ ނެގިގެން ދާނެ ކަމަށްވެސް ހަނިމާދޫ ޒުވާނުންގެ ޖަމްޢިއްޔާއިން މަޢުލޫމާތު ދެއްވިއެވެ.
“އިޤްރަޢު” ވޯކްޝޮޕް ހިންގުމަށް ހަމަޖެހިފައިވަނީ 2024 ވަނަ އަހަރުގެ އޮކްޓޫބަރު 15 އިން ފެށިގެން 2025 ވަނަ އަހަރުގެ ޖަނަވަރީ 14 އާއި ހަމައަށެވެ. ދަރިވަރުންނަށް ކިޔަވައިދެއްވުމަށް ހަމަޖެހިފައިވަނީ ހަނިމާދޫ ޒުވާނުންގެ ޖަމުޢިއްޔާއިން ހިންގާ ޕްރީސްކޫލުގައެވެ.
މި ޕްރޮގްރާމުގައި ކިޔަވައިދެއްވުމަށް ހަމަޖެހިފައިވަނީ ޤުރުއާން ކިޔެވުމުގެ ދާއިރާއިން ތަޖުރިބާކާރު އަދި އެތައް ޤުރުއާން މުބާރާތެއްގައި ފަނޑިޔާރުކަން ކުރައްވާފައިވާ އަލްޤާރީ ޢަލީ ފަޔާޒު އެވެ.
“އިޤްރަޢު” ވޯކްޝޮޕްގައި ބައިވެރިވުމަށް އެދޭ ފޯމު ފުރުއްވުމަށް ފިއްތަވާ
