ހަނިމާދޫ ކައުންސިލްގެ ކުލަ ޕާކުގައި ހެދިފައިވާ ކެންޓީން 10 އަހަރު ދުވަހުގެ މުއްދަތަށް ކުއްޔަށް ދޫކުރުމަށް 2024 ސެޕްޓެމްބަރ 03 ވަނަ ދުވަހު ބޭއްވުނު ހަނިމާދޫ ކައުންސިލްގެ 40 ވަނަ ދައުރުގެ 150 ވަނަ ބައްދަލުވުމުން ނިންމާފައިވާތީ، އެ ކެންޓީން ހިންގައިދޭނެ ފަރާތެއް ހޯދަން ހަނިމާދޫ ކައުންސިލުން އިޢުލާންކޮށްފިއެވެ.
އެކައުންސިލުން ދޭ މައުލޫމާތާއި އެއްގޮތަށް ހަނިމާދޫ ކައުންސިލްގެ ކުލަ ޕާކުގައި ހެދިފައިވާ ކެންޓީން 10 އަހަރު ދުވަހުގެ މުއްދަތަށް ހިންގައިދިނުމަށް ޝަޢުޤުވެރިވެލައްވާ ފަރާތްތަކުން މަޢުލޫމާތު ސާފުކޮށް އަންދާސީ ހިސާބު ހުށައެޅުމައްވެސް އެ ކައުންސިލުން ބުނެއެވެ.
ހަނިމާދޫ ކައުންސިލުން ބުނީ އަންދާސީ ހިސާބު ހުށައެޅުއްވުމަށް ވަޑައިގަންނަވާ ކޮންމެ ފަރާތަކުންވެސް ހުށައެޅުއްވޭނީ 1 (އެކެއް) އަންދާސީ ހިސާބުކަމަށެވެ. އަދި އަންދާސީ ހިސާބު ހުށައެޅުން އޮންނާނީ ހަނިމާދޫ ކައުންސިލް އިދާރާގެ ޖަލްސާކުރާ މާލަމުގައިކަމަށްވެސް އެ ކައުންސިލުން މައުލޫމާތު ދެއެވެ.
އަންދާސީ ހިސާބު ހުށައެޅޭނީ މިނިސްޓްރީ އޮފް އިކޮނޮމިކް ޑިވެލޮޕްމެންޓްގައި، ވިޔަފާރި ރަޖިސްޓްރީ ކޮށްފައިވާ އަދި މިބީލަމުގައި މަޢުލޫމާތު ސާފުކުރެއްވުމަށް ވަޑައިގެންނެވި ފަރާތްތަކަށް އެކަނި ކަމަށާއި އަދި ކަނޑައެޅިފައިވާ ގަޑީގެ ފަހުން ގެންނަ އަންދާސީ ހިސާބުތައް ހުށައެޅުމުގެ ފުރުސަތެއް ނުދެވޭނެކަމަށްވެސް ހަނިމާދޫ ކައުންސިލުން ބުނެއެވެ.
މަޢުލޫމާތު ސާފުކުރުން އޮންނާނީ 06 އޮކްޓޯބަރ 2024 ވަނަ ދުވަހު 11:00 ގައެވެ. އަދި އަންދާސީ ހިސާބުހުށައެޅުން އަދި ހުޅުވުން އޮންނާނީ 16 އޮކްޓޯބަރ 2024 ވަނަ ދުވަހު 11:00 ގައެވެ.
