ކެބިނެޓަށް ގެންނެވި ބަދަލުތަކުގެތެރޭގައި މާލީ ވަޒީރަކަށް ޢައްޔަންކުރައްވާފައިވަނީ މޫސާ ޒަމީރެވެ. މިހާތަނަށް ޒަމީރު ހުންނެވީ ޚާރިޖީ ވަޒީރުގެ މަގާމުގައެވެ. އަދި މާލީ ވަޒީރަކަށް މިހާތަނަށް ހުންނެވީ ޑރ. މުޙައްމަދު ޝަފީޤެވެ.
ޚާރިޖީ ވަޒީރުކަމުގެ މަޤާމަށް ޢައްޔަންކުރެއްވީ ޑރ. ޢަބްދުﷲ ޚަލީލެވެ. ޑރ. ޚަލީލް މިހާތަނަށް ހުންނެވީ ސިއްޙީ ވަޒީރުކަމުގެ މަޤާމުގައެވެ.
ސިއްޙީ ވަޒީރުކަމުގެ މަޤާމަށް ޢައްޔަންކުރެއްވީ ޢަބްދުﷲ ނާޡިމްއިބްރާހީމެވެ. ނާޡިމް މިހާތަނަށް ހުންނެވީ ރައީސުލްޖުމްހޫރިއްޔާގެ އޮފީހުގެ މިނިސްޓަރުކަމުގެ މަޤާމުގައެވެ.
