ފުލުހުންގެ މީޑިއާ އޮފިޝަލް ވިދާޅުވީ، އުސްފަސްގަނޑާ ދިމާލު ކަނޑުމަތިން މީހަކު ނިޔާވެފައި އޮތް ކަމުގެ ރިޕޯޓެއް ލިބިގެން ފުލުހުން އެ ސަރަހައްދުގައި ހަރަކާތްތެރިވަމުންދާ ކަމަށެވެ.
އޮފިޝަލް ވިދާޅުވީ، ކަނޑުމަތީގައި މީހަކު ނިޔާވެފައި އޮތް ކަމަށް 5:06 ހާއިރު ފުލުހުންނަށް ރިޕޯޓްކޮށްފައިވާ ކަމަށެވެ. އެއީ ދިވެހި ފިރިހެނެއްކަން މިހާތަނަށް ބެލި ބެލުމުން އެނގިފައިވާ ކަަމަށްވެސް ވިދާޅުވިއެވެ.
މި ހާދިސާއާ ގުޅިގެން ފުލުހުން ވަނީ މަރުވެފައި އޮތް މީހާގެ ހަށިގަނޑު ނަގައި އައިޖީއެމްއެޗަށް ގެންގޮސްފައެވެ. ހޮސްޕިޓަލަށް ގެންދިޔައިރުވެސް އޭނާ އޮތީ މަރުވެފައިކަން ހޮސްޕިޓަލުން ކަށަވަރުކޮށްދީފައިވާ ކަމަށް ފުލުހުން މަޢުލޫމާތުދީފައިވެއެވެ.
ނިޔާވެފައި އޮއްވާ ފެނުނީ ހ. ވެލަސްފަރުގެ އުމުރުން 62އ ގެ އިބްރާހިމް ޖައުހަރެވެ.
މި މައްސަލަ ފުލުހުން ދަނީ ތަހުގީގު ކުރަމުންނެވެ
