ރައްޔިތުންގެ މަޖިލީހުގެ ނައިބު ރައީސް އަހްމަދު ނާޒިމް އޮސްޓްރޭލިއާގެ ސިޑްނީއަށް ފުރާވަޑައިގެންފިއެވެ.
ސިޑްނީއަށް ނާޒިމް ކުރައްވާ މި ދަތުރަކީ 67 ވަނަ ކޮމަންވެލްތް ޕާލަމެންޓަރީ ކޮންފަރެންސްގައި ބައިވެރިވެވަޑައިގަތުމަށް ކުރައްވާ ދަތުރެކެވެ.
ކޮމަންވެލްތް ޕާލަމެންޓަރީ ކޮންފަރެންސް ކުރިއަށް ގެންދިއުމަށް ހަމަޖެހިފައި ވަނީ މާދަމާއިން ފެށިގެން މި މަހުގެ 8 ވަނަ ދުވަހަށެވެ.
މި ދަތުރުގައި މަޖިލީހުގެ ނައިބު ރައީސްގެ އަރިހުގައި މަޖިލީހުގެ ބައެއް މެންބަރުން ވެސް ބައިވެރިވެވަޑައިގަންނަވައެވެ.
