ވޭލް ޝާކްގެ ރިސާޗެއް ހަދަން ރާއްޖެ އައިސް އުޅުނު ސިންގަޕޫރްގެ ޓީމެއްގައި ހިމެނޭ ކުއްޖަކު ދޯންޏެއްގެ ބުރަފަތީގައި ޖެހި މިއަދު މަރުވެއްޖެ އެވެ.
ފުލުހުން ބުނީ އދ. ދިގުރަށް ކައިރީގައި ހިނގި މި ހާދިސާގައި މަރުވީ އުމުރުން 15 އަހަރުގެ ސިންގަޕޫރު ކުއްޖެއް ކަމަށެވެ.
ދޯނީގެ ބުރަފަތީގައި ޖެހުނީ ސްނޯކްލިން އަށް މޫދަށް ފުންމާލި ވަގުތު ކަމަށް ފުލުހުން ބުންޏެވެ.
ހާދިސާ ހިނގުމާ އެކު އެ ކުއްޖާ ދިގުރަށު ސިއްހީ މަރުކަޒަށް ގެންދިޔަ ކަމަށާއި އެކަމަކު ގެންދިޔައިރު ވެސް އޮތީ މަރުވެފައި ކަމަށް އެތަނާ ހަވާލާދީ ފުލުހުން ބުންޏެވެ.
ފުލުހުން ބުނީ ހާދިސާ ތަހުގީގުކުރަމުން އަންނަ ކަމަށެވެ.
