ގޮށްކޮޅަށް ނުހަނު ގާތްކަމެއް ބަހައްޓަވަމުން ގެންދަވާ، އަދި ތަފާތު އެކި ގޮތްގޮތުން ގޮށްކޮޅަށް އެހީތެރި ވެދެއްވަމުންދާ ހދ.ކުޅުދުއްފުށި، ޒިޔާރަތްދޮށުގެ، މުޙައްމަދު އާދަމްގެ ލޮބުވެތި ބައްޕަ އާދަމް މޫސާ ދެމިއޮތުމުގެ ޢާލަމަށް ދަތުރުކުރި ޚަބަރު އަޑުއެހީ ފުން ހިތާމައާއެކުގައެވެ. އަދި މި ހިތާމައިގައި ބައިވެރިވެ، މަރްޙޫމުގެ އާއިލާގެ މެންބަރުންނަށާއި ގާތް ރަޙްމަތްތެރީންނަށް ގޮށްކޮޅުގެ ނަމުގައި ތައުޒިޔާ ދަންނަވަމެވެ.
މަރްޙޫމްގެ ފުރާނަފުޅަށް މާތްﷲ ގެ ތަނަވަސް ރަޙްމަތް މިންވަރުކުރައްވައި ޖަންނަތުލް ފިރުދައުސްގައި ލެއްވުން އެދި ދުޢާކުރަމެވެ. އަދި މި ހިތާމައިގެ ވަގުތުގައި މަރްޙޫމުގެ އާއިލާއަށް ކެތްތެރިކަމާއި ސާބިތުކަން ދެއްވުން އެދި ދުޢާކުރަމެވެ. އާމީން
