މިހާރު ކުރަމުން އަންނަ ވިއްސާރައިގެ ސަބަބުން، ހުޅުމާލެ ސަހަރާއިން ފެން ނުހިނދޭތީ، މިވަގުތަށް މީހުން ވަޅުލުން މެދުކަނޑާލައިފިއެވެ.
މާލެ ސިޓީ ކައުންސިލުން މިއަދު ބުނީ، މިވަގުތަށް ހުޅުމާލެ ސަހަރާގައި މީހުން ވަޅުލެވެން ނެތް ކަމަށެވެ. އެ ސަހަރާގައި ކޮނުނު ވަޅުގައި މިވަގުތު އަށް އިންޗިއާއި ނުވަ އިންޗިއާ ދެމެދުގައި ފެން އެބަ ހުރި ކަމަށް އެ ކައުންސިލުން ބުނެފައިވެއެވެ.
އެހެންވެ، މިއަދު މަގުރިބު ނަމާދަށް ފަހު އެ ސަހަރާގައި ވަޅުލަން ހަމަޖެހިފައިވާ މައްޔިތާ ވަޅުލުން އާސަހަރާއަށް ބަދަލުކޮށްފައިވާކަމަށް މާލެ ސިޓީ ކައުންސިލުން ބުންޏެވެ.
ވިއްސާރަ ދުވަސްވަރާ ދިމާކޮށް މީގެކުރިން ވެސް ހުޅުމާލެ ސަހަރާގައި މީހުން ވަޅުލުން މެދުކަނޑާލަން ޖެހެއެވެ.
