އިނގިރޭސި ޕްރިމިއާ ލީގުގެ ފުރަތަމަ ބުރުގެ ފޯރިގަދަ މެޗެއްގައި ނިއުކާސަލް ޔުނައިޓެޑް އާއި އެސްޓަން ވިލާ އެއްވަރުވެ، ދެޓީމަށް ވެސް ޕޮއިންޓެއް ލިބިއްޖެއެވެ. މި މެޗު ކުޅެވުނީ އެސްޓަން ވިލާގެ އަމިއްލަ ދަނޑުކަމަށްވާ ވިލާ ޕާކުގައެވެ.
މެޗުގެ ވަރަށް ބޮޑުބައިގައި ނިއުކާސަލް އިން ވަނީ މޮޅު ކުޅުމެއް ދައްކާފައެވެ. އެޓީމަށް ގޯލު ޖަހާނެ ގިނަ ފުރުސަތުތަކެއް ލިބިގެން ދިޔަ ނަމަވެސް، އެ ފުރުސަތުތައް ބޭކާރުކޮށްލެވުމުގެ ސަބަބުން ގޯލެއް ކާމިޔާބު ކުރެވިފައެއް ނުވެއެވެ.
މެޗުގެ 66 ވަނަ މިނިޓުގައި އެސްޓަން ވިލާގެ ދިފާއީ ކުޅުންތެރިޔާ އެރިކް ކޮންސާ ކުރި ފައުލްއަކާ ގުޅިގެން ރަތް ކާޑެއް ދައްކާފައިވެއެވެ. ކޮންސާ އަށް ރަތް ކާޑު ދެއްކުމާއެކު ވިލާ ވަނީ 10 ކުޅުންތެރިންނާއެކު ކުޅެން މަޖުބޫރުވެފައެވެ. ނަމަވެސް، އެސްޓަން ވިލާގެ ކީޕަރު ބިޒޮޓް ވަނީ ނިއުކާސަލްގެ ވަރަށް ނުރައްކާތެރި ގިނަ ހަމަލާތަކެއް ދިފާއުކޮށް، ގޯލު ވަނަނުދީ ގޯލު ބެލެހެއްޓުމުގައި މުހިންމު ދައުރެއް އަދާކޮށްފައެވެ.
މި ނަތީޖާއާއެކު ދެ ޓީމަށް ވެސް ޕްރިމިއާ ލީގުގެ މި ސީޒަނުގެ ފުރަތަމަ ޕޮއިންޓް ވަނީ ލިބިފައެވެ.
